Parazitologiya va veterinariya ishini tashkil etish” kafedrasi

1. Umumiy qoidalar
1. O‘zbekiston Respublikasi hududiga veterinariya jihatdan yuqori xavfga ega bo‘lgan davlat veterinariya xizmati nazorati ostidagi tovarlarni olib kirilishi ma’lum bo‘lganda, yangi savdo yo‘nalishlari ochilganda va xorijiy mamlakatlarning ma’lum bir hududlaridan davlat veterinariya xizmati nazorati ostidagi tovarlarni olib kelishda hayvonlarning o‘ta xavfli kasallik qo‘zg‘atuvchilari kirib kelishi xavfi mavjud bo‘lganda, yohud nosog‘lom epizootik hududda ishlab chiqarilgan davlat veterinariya xizmati nazorati ostidagi tovarlar olib kirilishi rejalashtirilgandagina ushbu tovarlar epizootik holatini o‘rganish maqsadida mutaxassislarni xorijiy mamlakatlarga yuborish zarurati vujudga keladi. 
2. Mazkur nizomda quyidagi asosiy tushunchalardan foydalaniladi:
davlat veterinariya xizmati nazorati ostidagi tovarlar – hayvonlar, kelib chiqishi hayvonotga mansub mahsulot va xom ashyo, veterinariya dori vositalari, mikroorganizmlar shtammlari, ozuqalar va ozuqabop qo‘shimchalar, veterinariya texnika vositalari;
epizootiya – tegishli hududda hayvonlarning o‘ta xavfli va boshqa yuqumli kasalliklari tarqalishi;
hayvonlarning yuqumli kasalliklari – paydo bo‘lishiga hayvonlarga kasalliklarning qo‘zg‘atuvchilari ta’siri sabab bo‘ladigan, tarqalishi hamda boshqa hayvonlarga va odamga o‘tishi ehtimoli mavjud bo‘lgan kasalliklar;
kelib chiqishi hayvonotga mansub mahsulot – go‘sht va go‘sht mahsulotlari, sut va sut mahsulotlari, baliq va baliq mahsulotlari, tuxum va tuxum mahsulotlari, shuningdek asalarichilik mahsulotlari;
kelib chiqishi hayvonotga mansub xom ashyo – hayvonlardan olinadigan, qayta ishlashga mo‘ljallangan mahsulotlar;
yuqori veterinariya xavf – barcha turdagi tirik hayvonlar, kelib chiqishi hayvonotga mansub xom ashyo;
o‘rta veterinariya xavf – iste’mol yoki qayta ishlash uchun mo‘ljallangan qayta ishlangan kelib chiqishi hayvonotga mansub mahsulot;
ishlab chiqarilgan hudud (xorijiy davlat, shtat, provinsiya va x.k.) – davlat veterinariya xizmati nazorati ostidagi tovarlar yetishtirilgan va ishlab chiqarilgan xorijiy davlat hududi;
mutaxassis – O‘zbekiston Respublikasi Veterinariya va chorvachilikni rivojlantirish davlat qo‘mitasi (keyingi matnlarda – Qo‘mita) va uning bo‘ysunuvidagi davlat veterinariya inspektorlari yoki Qo‘mita tomonidan jalb etilgan tegishli soha ekspertlari;
murojaatchi – davlat veterinariya xizmati nazorati ostidagi tovarlar etishtiriladigan va ishlab chiqariladigan xorijiy mamlakatda veterinariya jihatdan audit o‘tkazish yoki veterinariya inspeksion nazoratdan o‘tkazish maqsadida mutaxassis yuborishni so‘rab Qo‘mitaga murojaat qilgan shaxs;