П. С. Султонов, Б. П. Ахмедов олий ўқув юртлари учун дарслик

ТЕКШИРУВ САВОЛЛАРИ
1. Табиат нима?
2. Табиат-инсон-жамият тизимидаги ўзаро боғлиқликни тушунтиринг?
3. Табиатга антропоген таъсирни қандай тушунасиз?
4. Антропоген модда алмашинуви қандай жараён ва уни табиий модда
алмашинувидан фарқи нимада?
5. Табиий мувозанат нима ва уни қандай экологик аҳамияти бор?
6. Нима учун табиатни муҳофаза қилиш зарур?
7. Ер сайёрасидаги ҳозирги экологик холатни изохлаб беринг?
8. Экологик муаммолар деганда қандай муаммоларни тушунасиз?
9. Нима сабабдан экологик билим зарур экан?
1.2. ЭКОЛОГИК ТАЪЛИМОТ ВА УНИНГ ШАКЛЛАНИШИ
Экология фанининг предмети, мақсад ва вазифалари.
Э к о л о г и я
атамасининг дастлабки таьрифи таниқли немис биологи Эрнест Геккел томонидан унинг
«Организмларнинг умумий морфологияси» (1866 й.) ва «Оламни вужудга келишининг
табиий тарихи» (1868 й.) каби илмий асарларида келтирилган. Унга кўра экология луғавий
жихатдан юнонча;  о й к о с (oikos)- яшаш макони, ўрни, жойи, ҳамда  л о г о с  (logos) -
фан, мантиқ сўзлари бирикмаларидан тузилган атамадир. Маъносига кўра тирик
организмларнинг яшаш шароити ёки ташқи муҳит билан ўзаро муносабатини англатади.
Экология биологик йўналишдаги фанлардан бири сифатида ХIХ асрнинг ўрталарида
шаклланди. Дастлабки даврларда у алоҳида олинган тирик организмларнинг ўраб турувчи
ўлик табиат билан муносабатини ўрганган.
Экологияни мустақил фан сифатида ХIХ асрнинг охирларида кенг тан олинган
бўлса-да, уни э к о л о г и я деб аталиб, умумий луғатга кириши ХХ асрнинг сўнгги(1960-
2000 й.) ўн йилликларига тўғри келади. 
Кўриниб турибдики, экология нисбатан ёш фан ҳисобланиб, ҳозирда ҳам уни
шаклланиши давом этмоқда. Шунинг учун фаннинг предмети, мақсади ва вазифаларини
таьрифлашда кўпчилик муаллифлар бир-бирига яқин фикрларни билдирсаларда хали
ҳозирча ягона умумий тўхтамга келинган дейишга асос йўқ.
Экология
фанининг
ривожланишида унинг ўрганиш объекти ва унга илмий ёндашиш жихатларига кўра бир неча
даврларни фарқлаш мумкин. Бу даврларни баъзи манбаларда фаннинг бўлимлари сифатида
ҳам таърифланади.