П. С. Султонов, Б. П. Ахмедов олий ўқув юртлари учун дарслик

Object 25

---

тупроқлар тарқалган. Геологик замин, рельеф ва иқлимнинг ўзгаришига қараб, ҳар ернинг
ўзига ҳос тупроқлари, ўсимлик турлари ва ҳайвонот дунёси ривожланади.
Инсониятнинг дехқончилик ва қурилиш фаолиятлари билан шуғулланиши
натижасида табиий ландшафти ўзгарган ҳудудлар майдони йилдан йилга ошиб бормоқда.
Ҳозирги вақтда қуруқликнинг 10-11% и хайдаб дехқончилик қилинадиган ва 2% и ҳар хил
иншоатлар қуриб банд қилинган маданий ландшафтларга айлантирилган. Европада бу
нисбат 30-10%ни, Осиёда 21-2%ни, Австралияда 5-2%ни ташкил қилса, Ўзбекистонда 12,5-
6,5%ни ташкил қилади. +уриқликнинг 0,3%ига шаҳарлар жойлашган. Шаҳарлар майдони
Германия ҳудудининг 10%ини, Буюк Британиянинг 12%ини, Ўзбекистоннинг 2,2 %ини
эгаллайди. 
Литосфера сатхидан инсониятнинг яшаши учун зарур бўлган қишлоқ хўжалик
маҳсулотлари (иншоотлар қуришда фойдаланишдан ташқари) ва қазилма бойликлар қазиб
олишда фойдаланилади. Очиқ усулда қазиладиган конларнинг чуқурлиги 800 метрга, ёпиқ
усулда қазиладиган конларнинг чуқурлиги эса 3-4 км. га етади. БМТ нинг маълумотига кўра,
1972 йилда дунё бўйича 3231100 минг тонна кўмир, 2646290 минг тонна нефть, 600200 минг
тонна темир рудаси, 75180 минг тонна боксит, 3660 минг тонна хром рудаси, 7300 минг
тонна мис, 3350 минг тонна қўрғошин рудаси, 5430 минг тонна рух рудаси, 159200 минг
тонна туз, 118500 минг тонна фосфоритлар ва бошқалар қазиб олинган. Йирик металлургия
саноат корхоналари атрофида ландшафлартнинг ўзгариши, ўсимликларнинг қуриб даштга
айланиши юз берган, Европада биринчи марта +алмиқлар ерида 500 минг гектарли дашт
пайдо бўлган(у ҳар йили 50 минг гектарга кенгайиб бормоқда). Мутахассисларнинг фикрича,
ХХI асрда қуриқликнинг 1/6 қисми кон, йўл ва ҳар хил иншоотлар билан банд бўлади.
Аҳоли сонининг ошиб бориши, қурилишларнинг кенгайиши дехқончиликка яроқли
ерларнинг камайишига сабаб бўлмоқда. Мўтахассисларнинг фикрича, ХХI асрда ерларнинг
унумдорлигини 3,5-4% га оширилмаса, сайёрамизда йилига 200 млн. тонна дон
етишмовчилиги холати юз бериши мумкин.