O'zR. Konst u'yr kitabi. Orinbetov n

Ministrler Kabineti yelimizde atqari’wshi’ ha’kimiyatti a’melge asi’ri’p Hu’kimet 
yesaplanadi’. Wo’zbekstan Respublikasi’ Oliy Kengashi ta’repinen 1990-ji’l 1-noyabrde 
«Atqari’w ha’m basqari’w ha’kimiyati’ni’n’ du’zilisin jetilistiriw haqqi’nda» Ni’zami’ 
qabi’l yetildi. Usi’ ni’zamg’a tiykarlani’p yeldegi Ministrler Soveti tamamlani’p, 
woni’n’ worni’na Ministrler Kabineti du’zildi.
Ministrler Kabineti xi’zmeti 1993-ji’l 6-mayda (2003-ji’l 29-avgust) qabi’l yetilgen 
«Ministrler Kabineti haqqi’nda» g’i’ Ni’zam menen ta’rtipke sali’nadi’. G’a’rezsizlik 
ji’llari’nda Ministrler Kabineti qurami’ 4 ma’rte wo’zgerdi: 1-ma’rte 1995-ji’l 23-
fevralda, 2-ma’rte 2000-ji’l 11-fevralda, 3-ma’rte 2005-ji’l 4-fevralda, 4-ma’rte 2010-
ji’l 1
2-martta tasti’yi’qlandi’. 2010-ji’l 12-martta Ministrler Kabineti qurami’ 
to’mendegishe tasti’yi’qlandi’: 

---

56
Ministrler Kabineti ag’zalari – 8, ministrlikler – 14, ma’mleket komitetlerinin’ 
basli’qlari’ – 9. 
Ministrler Kabineti ag’zalari: 
•
Bas ministr 
•
Bas ministrdin’ 1-wori’nbasari’ 
•
Bas ministrdin’ 6 wori’nbasari’ 
Ministrlikler: 
1. Finans ministrligi. 2. Si’rtqi’ ekonomikali’q baylani’slar, investiciya ha’m sawda 
ministrligi. 3. Ekonomika ministrligi 4. Awi’l ha’m suw xojali’g’i’ ministrligi. 5. 
Miynet ha’m xali’qti’ socialli’q qorg’aw ministrligi. 6. Densawli’qti’ saqlaw ministrligi.
7. Ma’deniyat ha’m sport isleri ministrligi. 8. Qorg’ani’w ministrligi. 9. Ishki isler 
ministrligi. 10. Si’rtqi’ isler ministrligi. 11. A’dillik ministrligi. 12. Joqari’ ha’m worta 
arnawli’ bilimlendiriw ministrligi. 13. Xali’q bilimlendiriw ministrligi. 14. Ayri’qsha 
jag’day ministrligi. 
Ma’mleket komitetleri: 
1. Ma’mleketlik arxitektura ha’m quri’li’s komiteti 2. Wo’zbekstan hayal-qi’zlar 
komiteti 3. Ma’mleketlik sali’q komiteti 4. Ma’mleketlik baji’xana komiteti 5. Jer 
resurslari’, geodeziya, kartografiya ha’m ma’mleket kadastri’ ma’mleketlik komiteti 6. 
Ma’mleketlik statistika komiteti 7. Monopoliyadan shi’g’ari’w ha’m ba’sekeni 
rawajlandi’ri’w ma’mleketlik komiteti 8. Ma’mleketlik geologiya ha’m mineral 
resurslar komiteti 9. Ma’mleketlik mu’likti basqari’w ma’mleketlik komiteti. 
Konstituciyami’zdi’n’ XX babi’ 98-statyasi’nda hu’kimetimizdin’ wa’killikleri 
belgilengen.Wonda to’mendegishe ko’rsetilgen: 
Wo’zbekstan Respublikasi’ Ministrler Kabineti atqari’wshi’ ha’kimiyatti’ a’melge 
asi’radi’. Wo’zbekstan Respublikasi’ Ministrler Kabineti Wo’zbekstan Respublikasi’ 
Bas ministri, woni’n’ wori’nbasarlari’, ministrler, ma’mleket komitetlerinin’ 
basli’qlari’nan ibarat. Qaraqalpaqstan Respublikasi’ Hu’kimetinin’ Basli’g’i’ Ministrler 
Kabineti qurami’na wo’z lawazi’mi’ boyi’nsha kiredi. Ministrler Kabineti 
ekonomikani’n’, socialli’q ha’m ruwxi’y tarawdi’n’ na’tiyjeli xi’zmetine basshi’li’qti’ 
Wo’zbekstan Respublikasi’ ni’zamlari’, Oliy Majlis qararlari’, Wo’zbekstan 
Respublikasi’ 
Prezidentinin’ 
pa’rmanlari’, 
qararlari’ 
ha’m 
buyri’qlari’ni’n’ 
wori’nlani’wi’n ta’miyinlewshi atqari’wshi’ ha’kimiyat yesaplanadi’. 
Ministrler 
Kabineti ma’mleket basqari’wi’ ha’m wo’zi du’zetug’i’n xojali’q basqari’wi’ 
organlari’na basshi’li’q yetedi, wolardi’n’ birgelikte xi’zmet ko’rsetiwin ta’miyinleydi. 
Wo’zbekstan Respublikasi’ Konstituciyasi’ ha’m «Wo’zbekstan Respublikasi’ 
Ministrler Kabineti haqqi’nda»g’i’ Ni’zamda Ministrler Kabinetinin’ atqari’wshi’ organ 
si’pati’nda xi’zmetinin’ tiykarg’i’ bag’darlari’ ko’rsetip berilgen. Ministrler Kabineti 
wo’z xi’zmetinde kollegialli’q, demokratiya ha’m ni’zamli’li’q, respublikada jasawshi’ 
barli’q millet ha’m yelatlardi’n’ ma’plerin yesapqa ali’w principlerine tiykarlanadi’. 
Bunnan ti’sqari’ Ministrler Kabineti wo’z wa’killigine kiriwshi ma’seleler boyi’nsha 
ja’miyetlik birlespeler menen birge islesedi ha’m a’meldegi ni’zam hu’jjetlerine 
muwapi’q wolarg’a za’ru’r ja’rdem ko’rsetedi. Wo’zbekstan Respublikasi’ Prezidenti 
Konstituciyag’a muwapi’q atqari’wshi’ ha’kimiyat ken’sesin du’zedi ha’m wog’an 
basshi’li’q yetedi. Bas ministr Ministrler Kabineti xi’zmetine basshi’li’q yetedi ha’m de 
woni’n’ wo’z wa’killiklerin na’tiyjeli a’melge asi’ri’wi’ ushi’n shara-ilajlar ko’redi. 
Ministrler 
Kabineti 
a’meldegi 
ni’zam 
hu’jjetlerine 
muwapi’q 
Wo’zbekstan 

---

57
Respublikasi’ni’n’ pu’tkil aymag’i’nda barli’q organlar, ka’rxanalar, mekemeler, 
sho’lkemler, lawazi’mli’ shaxslar ha’m puqaralar ta’repinen wori’nlani’wi’ ma’jbu’riy 
bolg’an qararlar ha’m buyri’qlar shi’g’aradi’. Wo’zbekstan Respublikasi’ Bas ministri 
Ministrler Kabineti xi’zmetin sho’lkemlestiredi ha’m wog’an basshi’li’q yetedi, woni’n’ 
na’tiyjeli islewi ushi’n juwapker boladi’, Ministrler Kabinetinin’ ma’jlislerine basshi’li’q 
yetedi, woni’n’ qararlari’n tasti’yi’qlaydi’, Wo’zbekstan Respublikasi’ Prezidentinin’ 
tapsi’rmasi’na muwapi’q xali’q arali’q qatnasi’qlarda Wo’zbekstan Respublikasi’ 
Ministrler Kabineti ati’nan is ko’redi, Wo’zbekstan Respublikasi’ ni’zamlari’nda, 
Wo’zbekstan Respublikasi’ Prezidentinin’ pa’rmanlari’, qararlari’ ha’m buyri’qlari’nda 
na’zerde tuti’lg’an basqa da wazi’ypalardi’ wori’nlaydi’. Ministrler Kabineti wo’z 
xi’zmetinde Wo’zbekstan Respublikasi’ Prezidenti ha’m Wo’zbekstan Respublikasi’ 
Oliy Majlisi aldi’nda juwapker. Ministrler Kabineti jan’a saylang’an Oliy Majlis 
aldi’nda wo’z wa’killiklerinen azat yetiledi. Ministrler Kabinetinin’ xi’zmetin 
sho’lkemlestiriw ha’m wa’killik shen’beri ni’zam menen belgilenedi. Wo’zbekstan 
Respublikasi’ Bas ministri kandidaturasi’ Wo’zbekstan Respublikasi’ Oliy Majlisinin’ 
Ni’zamshi’li’q palatasi’na saylawda yen’ ko’p deputatli’q wori’nlardi’ alg’an siyasiy 
partiya yaki ten’ mug’darda yen’ ko’p deputatli’q wori’nlardi’ qolg’a kirgizgen bir neshe 
siyasiy partiya ta’repinen usi’ni’ladi’. Wo’zbekstan Respublikasi’ Prezidenti usi’ni’lg’an 
Bas ministr lawazi’mi’na barli’q kandidaturani’ ko’rip shi’qqannan son’ 10 ku’n ishinde 
woni’ Wo’zbekstan Respublikasi’ Oliy Majlis palatalari’na ko’rip shi’g’i’w ha’m 
tasti’yi’qlaw ushi’n kirgizedi. Bas ministr kandidaturasi’ Wo’zbekstan Respublikasi’ 
Oliy Majlisi Ni’zamshi’li’q palatasi’ deputatlari’ ha’m Senat ag’zalari’ uluwma 
sani’ni’n’ yari’mi’nan ko’pshiligi dawi’s bergen jag’dayda g’ana tasti’yi’qlang’an 
yesaplanadi’. Wo’zbekstan Respublikasi’ Ministrler Kabinetinin’ 
ag’zalari’ Bas ministr 
usi’ni’si’ boyi’nsha Prezident ta’repinen tasti’yi’qlanadi’. Wo’zbekstan Respublikasi’ 
Bas ministri ha’m Wo’zbekstan Respublikasi’ Oliy Majlisinin’ Ni’zamshi’li’q palatasi’ 
wortasi’nda qarama-qarsi’li’qlar turaqli’ tu’s alg’anda Ni’zamshi’li’q palatasi’ 
deputatlari’ni’n’ uluwma sani’ni’n’ keminde u’shten bir bo’legi ta’repinen Wo’zbekstan 
Respublikasi’ Prezidenti ati’na ra’smiy kirgizilgen usi’ni’s boyi’nsha Wo’zbekstan 
Respublikasi’ Oliy Majlis palatalari’ni’n’ qospa ma’jlisi dodalawi’na
Bas ministrge 
qarata isenimsizlik votumi’ bildiriw haqqi’nda ma’sele kirgiziledi. Bul votum 
Wo’zbekstan Respublikasi’ Oliy Majlisi Ni’zamshi’li’q palatasi’ deputatlari’ ha’m Senat 
ag’zalari’ni’n’ uluwma sani’ni’n’ keminde u’shten yeki bo’legi dawi’s bergende qabi’l 
yetilgen yesaplanadi’. Bunday jag’dayda Wo’zbekstan Respublikasi’ Prezidenti Bas 
ministrdi lawazi’mi’nan azat yetiw haqqi’nda qarar qabi’l yetedi. Wo’zbekstan 
Respublikasi’ Ministrler Kabinetinin’ pu’tkil qurami’ Bas ministr menen birge 
bosati’ladi’. Jan’a Bas ministr kandidaturasi’ Wo’zbekstan Respublikasi’ Prezidenti 
ta’repinen Wo’zbekstan Respublikasi’ Oliy Majlisi Ni’zamshi’li’q palatasi’ndag’i’ 
barli’q siyasiy partiyalar frakciyalari’ menen tiyisli ma’sla’ha’tler wo’tkerilgennen son’ 
Wo’zbekstan Respublikasi’ Oliy Majlis palatalari’na ko’rip shi’g’i’w ha’m tasti’yi’qlaw 
ushi’n kirgizedi. Oliy Majlis ta’repinen, Bas ministr lawazi’mi’na usi’ni’lg’an 
kandidatura u’sh ma’rte qaytari’lsa, Wo’zbekstan Respublikasi’ Prezidenti Bas ministr 
wazi’ypasi’n waqti’nsha atqari’wshi’ni’ tayi’nlaydi’ ha’m Wo’zbekstan Respublikasi’ 
Oliy Majlisin tarqati’p jiberedi.