Oziq ovqat texnologiyasi

Sovunni quritish uchun vakuum-quritgich kamerasi (55-rasm) diametri 1500mm va bo‘yi 4000mm bo‘lgan silindrik apparat bo‘lib, sferik qopqoq (3)dan, konus (7) dan va o‘tish halqasi (8) dan tashkil topgan. Kamera markazidan val (4) o‘tgan bo‘lib, u chervyakli reduktor orqali elektrodvigateldan harakatlanadi. Aylanish chastotasi 12,4 ayl/min bo‘lgan valga, issiq sovunni purkash uchun xizmat qiladigan ikkita forsunka (2) va kamera ichki devoridagi, tubidagi va qopqog‘idagi sovunni qirib olish uchun xizmat qiladigan uch xil shaklli po‘lat pichoqlar mahkamlangan. Devor va pichoq orasidagi oraliq masofa 0,1 mm dan ko‘p emas.
Kameraning silindrik qismida bug‘ ko‘ylagi (6) bo‘lib yuqori konsentratsiyali sovun tayyorlash uchun unga harorati 60÷98⁰C bo‘lgan issiq suv beriladi.

55 – rasm. Vakuum-quritish kamerasi


Vakuumli shnek-press (56-rasm) sovun qirindisiga mexanik ishlov berish, plastifikatsiyalash, presslash va brus qilib qoliplashga mo‘ljallangan. Shnekli mashinani asosiy qismi, bu cho‘yandan yasalgan, qarama-qarshi tomonga aylanadigan ikkita shnek (5) dir. Shneklarning o‘ramlarini qadami 200 dan 140 mmgacha o‘zgaruvchan, diametri 250mm va uzunligi 1270mm ga teng.
Shneklar, stanina (1)ni ustiga o‘rnatilgan presslash kamerasi (6) ga joylashtirilgan. Shnek-pressga sovun qirindisi vakuum-quritish kamerasining bunkeri bilan birlashtirilgan, yuklash teshigi (7) orqali tushadi. Shneklar aylanganda sovun qirindisi shnekning konussimon bosh qismi (2) tomoniga siljiydi. Shnek o‘ramlarining qadami o‘zgaruvchan bo‘lganligi, materialni harakatiga reshyotka (3) ni ko‘rsatayotgan qarshiligi tufayli, sovun qirindisi sekin-asta zichlashadi. Zichlashgan massa teshiklarini diametri 20mm bo‘lgan reshyotka orqali o‘tkazilganda ishqalanadi, so‘ngra konussimon bosh qismi (2) ga o‘tadi, bu yerda qo‘shimcha presslanadi, zichlashadi va shnek-pressdan to‘rt qirrali brus ko‘rinishida chiqadi. Mashinani bosh qismining chiqishiga to‘rt burchakli shayba o‘rnatilgan, u sovun brusiga kerakli shaklni beradi. Sovun massasi harakatlanayotganda ortiqcha qizib ketmasligi uchun, presslash kamerasini ko‘ylagi (4) bor, unga harorati 12-15⁰C bo‘lgan sovuq suv beriladi. Sovun brusiga silliq, yaltiroq va yoriqlarsiz tekis tus berish uchun shnekning konussimon bosh qismida issiq suv uchun ko‘ylagi bor. Issiq suvni harorati 30 dan 90⁰C gacha o‘zgarib turadi va avtomatik termorostlagich yordamida rostlanadi. Shnek-pressni unumdorligi 1 t/soat.

56-rasm. Vakuumli shnek-press