O’zbtkiston respublikasi oliy va o’rta maxsus ta’lim vazirligi

To‘pni o‘yinga mo‘ljalli yoki taktik kiritishlar. To‘pni o‘yinga kiritishning bu turida o‘yinchilar to‘pni eng yuqori uchish tezligiga va rejalashtirilmagan natijaga ishonishadi. Ochko yutish yoki qabul qilishni qiyinlashtirish uchun to‘pni o‘yinga kirituvchilar maydonchaning himoyalanmagan joyiga, kuchsiz qabul qiluvchi o‘yinchiga, chiqib kelayotgan bog‘lovchining yo‘liga, ularning harakatlariga teskari yo‘nalishga to‘pni aniqlikda yo‘naltirishga, shuningdek, keyingi to‘pni o‘yinga kiritishda to‘pning uchish tezligi va yo‘nalishini keskin o‘zgar- tirishga harakat qilishadi.
Taktik mulohazalardan kelib chiqqan holda qayerga, kimga va qanday to‘pni o‘yinga kiritish borasida qaror qabul qilinadi. Shuning uchun, ushbu aniqlikdagi to‘pni o‘yinga kiritishlarning boshqacha nomi
– to‘pni o‘yinga mo‘ljalli yoki taktik kiritish deb ataladi.
To‘pni aylantirib o‘yinga kiritish. Bunga katta tezlik bilan aylanish beruvchi, uning trayektoriyasini sezilarli o‘zgartiruvchi to‘pni o‘yinga kiritish kiradi, bu raqibning qabul qilishini qiyinlashtiradi. Uni aniqlikdagi to‘pni o‘yinga kiritishlar sifatida ham foydalanishi mumkin. Markazdan berilmagan zarba to‘pga ko‘proq aylanish beradi. Kuch qo‘yish vektori markazdan qanchalik uzoq bo‘lsa, zarba natijasida to‘p shunchalik katta aylanish tezligiga erishadi. Bu qabul qiluvchi o‘yinchilar uchun ancha murakkab bo‘lgan uchish trayektoriyasini va ko‘pincha kutilmagan sakrashni ta’minlaydi.

To‘pni o‘yinga kiritishga doir zaruriy xulosalar

To‘pni o‘yinga kuch bilan kiritishda to‘pning yuqori uchish tezligini ta’minlashning shartlari xuddi to‘rga uzoqdan hujum zarbasini bajarishdagi kabi bo‘ladi.
To‘p o‘yinga kiritilgach, uchib borayotgan to‘pning trayektoriyasi oldindan aytib bo‘lmaydigan sakrashsimon o‘zgarishi uchun u qabul qilish vaqtida aylanmagan holda 17-19 m/s tezlikda harakatlanishi kerak. Agar harakatdagi zarba beruvchining vektori to‘pning markazidan o‘tsa, to‘p aylanishsiz o‘tadi, zarba markaziy bo‘ladi. Zarba beruvchining kuch qo‘yilishi to‘pning markazi orqali o‘tishni ta’minlash uchun, zarba qisqa, qattiqroq va uzun richag bilan berilishi lozim. Zarba harakati birgalikda urilgandan so‘ng qo‘l to‘xtagan holda, aloqaning “qattiq”
sxemasi bo‘yicha uzatilishi lozim.
Aniqlikdagi to‘pni o‘yinga kiritish, taktik jihatdan to‘g‘ri qo‘llanilgandagina muvaffaqiyatli bo‘ladi. Aylanishli to‘pni o‘yinga kiritish to‘pni qabul qilishni sezilarli darajada qiyinlashtiradi.

8.