O’zbtkiston respublikasi oliy va o’rta maxsus ta’lim vazirligi

Hujum harakatlarining guruhli taktikasi. Bu hujum harakatlarida 2 tadan 5 tagacha o‘yinchilar guruhining o‘zaro harakatlaridan vujudga keladi. Hujumda hamkorlik qilayotgan o‘yinchilarni shartli ravishda quyidagi guruhlarga bo‘lish mumkin:
Qabul qiluvchilar – bog‘lovchilar. Bog‘lovchilar – hujum qiluvchilar. Hujum qiluvchilar – hujum qiluvchilar.
Uzatishdan keyin yoki hujum zarbalaridan so‘ng to‘pni qabul qilish himoyachi harakati hisoblanadi. Biroq qabul qiluvchi va himoyachilarning bog‘lovchilar bilan o‘zaro harakatlarini hujum taktikasiga ham kiritish mumkin. Shu sababdan, quyida ularni qarab chiqamiz.
Qabul qiluvchi o‘yinchilar va bog‘lovchilar kelishilgan harakatlari oldindan kelishuv va o‘ynab ko‘rilgan sxemada yuz beradi. O‘yinchilar tomonidan vujudga kelgan o‘yin vaziyati ham hisobga olinadi, o‘zaro harakatlarga zaruriy tuzatishlar kiritiladi. Jumladan, qabul qiluvchi o‘yinchilar to‘pni yetkazishning qulay trayektoriyasini tanlashni bog‘lovchi o‘yinchi turgan vaziyatni hisobga olgan holda tanlashlari lozim. Shuningdek, bog‘lovchi ikkinchi qatordan chiqishi yoki birinchi qator o‘yinchisi ekanligi hisobga olinadi.
Bog‘lovchi o‘yinchi, aniq o‘yin holatida to‘p yetkazish sifatini ehtimoliy mo‘ljallash asosida to‘pning taxminiy uchishi yo‘nalishga tomon oldindan harakatlanishni boshlashi mumkin. Bu esa bog‘lovchi o‘yinchiga sifatliroq uzatishlarni bajarish va qabul qiluvchilar hamda himoyachilarning ehtimoliy xatolarini to‘g‘rilash imkonini beradi. Bog‘lovchi va hujumchi o‘yinchilarning guruhli o‘zaro harakatlari turli- tuman, ularni esa ba’zida, ayniqsa, tezkor hujumni tashkil etishda, anchayin samarali bo‘ladi. Odatda, o‘zaro harakatlar raqibning har bir aniq uzatishini yutib olishdagi hujumda birgalikdagi harakatlarning xarakteri tog‘risida o‘yinchilarning oldindan kelishib olishlaridan boshlanadi. Keyin esa, o‘yin vaziyatining borishi, shu jumladan, raqibning harakatlarini ham hisobga olgan holda o‘yinchilarning birgalikdagi harakatlarini o‘yin va musobaqa jarayonida qo‘llab, zaruriy tuzatishlar kiritishi mumkin. Bunday guruhli o‘zaro harakatlar voleybol amalyotida vaqt o‘tishi bilan turli jamoalarda turlicha nomlanuvchi barqaror kombinatsiyalarga bo‘linadi.