O‘zbekistonda soliq siyosatining asosiy yo‘nalishlari

O‘ZBEKISTONDA SOLIQ SIYOSATINING ASOSIY YO‘NALISHLARI
Mirzo Ulug‘bek nomidagi O‘zbekiston milliy universiteti
Iqtisodiyot fakulteti talabasi
Mavlonov Shuxratjon Alimurodbek o‘g’li
Annotatsiya
Ushbu maqolada O‘zbekistondagi soliq siyosati va uning asosiy yo‘nalishlari va soliq tizimidagi mavjud muammolar ko‘rib chiqamiz. Soliqqa tortish bo‘yicha tizimni rivojlantirishdagi asosiy kontseptsiya tamoyillarini ko‘rib chiqamiz.
Kalit so‘zlar:  soliq siyosati, soliq kontseptsiyasi jahon moliyaviy iqtisodiy inqirozi sharoitida soliq siyosati, soliq siyosati strategiyasi, soliq siyosati taktikasi, soliq siyosati yo‘nalishlari, jahon soliq siyosati.
Abstract
In this article, we will consider the tax policy in Uzbekistan and its main directions, as well as the existing problems in the tax system. Let's consider the main conceptual principles in the development of the taxation system.
Key words: tax policy, tax concept, tax policy, tax policy strategy, tax policy tactics, tax policy directions, world tax policy in the context of the global financial and economic crisis.
Абстрактный
В данной статье мы рассмотрим налоговую политику Узбекистана и ее основные направления, а также существующие проблемы в налоговой системе. Рассмотрим основные концептуальные принципы в развитии системы налогообложения.
Ключевые слова: налоговая политика, налоговая концепция, налоговая политика, стратегия налоговой политики, тактика налоговой политики, направления налоговой политики, мировая налоговая политика в условиях мирового финансово-экономического кризиса.


Kirish
Jamiyat iqtisodiy taraqqiyoti bir tomondan uning ichki mexanizmiga bog‘liq bo‘lsa, ikkinchi tomondan boshqaruvning xarakteriga, ijtimoiy-siyosiy holatga, muvozanatga bog‘liq bo‘ladi. Oddiy qilib aytganda ustqurmaga ham bevosita bog‘liqdir. Mazkur jarayonda ijtimoiy siyosat alohida rol o‘ynaydi. Ijtimoiy siyosat o‘z navbatida ichki va tashqi madaniy-ma’rifiy, siyosiy, iqtisodiy siyosat kabilarga bo‘linadi. Iqtisodiy siyosat ham o‘z navbatida moliya, pul-kredit, byudjet, soliq siyosati kabi turlarda amal qilib, ularni yaxlitligi makroiqtisodiy darajada qonun chiqaruvchi, ijro etuvchi va sud hokimiyatlari faoliyatlarining asosiy ajralmas qismiga aylanadi. Shu o‘rinda soliq siyosatining mazmuniga to‘xtalib o‘tadigan bo‘lsak, yuqorida qayd etilganidek, soliq siyosati - bu iqtisodiy siyosatning ajralmas bir bo‘lagi bo‘lib, davlatning muayyan davrda aniq maqsadlarga qaratilgan soliq sohasidagi faoliyatidir. U tarkiban soliqlarni joriy etish, soliqqa oid huquqiy baza yaratish, joriy etilgan soliqlar va soliqsiz to‘lovlarni amaliyotda ishlash mexanizmini shakllantirish va samaradorligini oshirishga qaratilgan davlatning tegishli vakolatli organlari tomonidan kompleks tarzda olib boriladigan chora-tadbirlar yig‘indisidir. Mamlakat soliq tizimi xususiyatlari, yo‘nalishlari, qanday soliqlarning joriy etilishi, ular o‘rtasidagi nisbatni ta’minlash kabi masalalarni soliq siyosati belgilab beradi.