O’zbekiston xalqaro islom akademiyasi “Islom iqtisodiyoti va xalqaro munosabatlar” fakulteti

3.1-rasm. Asosiy kapitalga investitsiyalar⁶²

2016-yilda 10611,4 mlrd. so‘m (dollar ekvivalentida 3578,1 mln. AQSh dollari) yoki 2015-yilga nisbatan 114,5 foiz asosiy kapitalga xorijiy investitsiya va kreditlar o`zlashtirildi va uning jami asosiy kapitalga investitsiyalardagi ulushi 21,3 foizni tashkil etdi. Asosiy kapitalga xorijiy investitsiya va kreditlarning YaIMdagi ulushi 2016 yilda 5,3 foizni tashkil etib, o`tgan yilga nisbatan 0,5 foiz punktga ko`paydi. Xorijiy kapital ishtirokidagi korxonalar tomonidan 6587,5 mlrd. so`m yoki jami xorijiy investitsiyalarning 62,1 foizi o`zlashtirildi.2016-yilda to`g`ridan-to`g`ri xorijiy investitsiya va kreditlarning YaIMdagi ulushi 3,7 foizni tashkil etdi.

Quyidagi rasmdan (3.2-rasm) shuni guvohi bo‘lishimiz mumkinki, O‘zbekiston ShHT doirasidagi davlatlar uchun investitsion jozibador mamlakat hisoblanadi. 2016-yilda O‘zbekistonga kiritilgan investitsiyalarning 50%dan ortig‘i ShHTga a’zo davlatlar tomonidan kiritilgan va undagi eng yetakchi mamlakat Rossiya bo‘lib turibdi. Rossiya Federatsiyasi kiritgan investitsiyalar miqdori 33,7%ni tashkil etmoqda va uning eng yaqin taqibchisi Janubiy Koreya Respublikasi 20,2%lik natijani ko‘rsatgan. Uchinchi o‘rindagi investor davlat ham tashkilotga a’zo Xitoy Xalq Respublikasidir. Uning ko‘rsatkichi O‘zbekistonga 2016-yilda yo‘naltirilgan jami investitsiyalarning 14,8%iga teng.