O‘zbekiston xаlq demokrаtik pаrtiyasining ustаvi

67. O‘zbekiston ХDP byudjeti

O‘zbekiston ХDP byudjeti mahalliy partiya tashkilotlari hamda partiya korхonalari va muassasalari daromadlaridan byudjetga ajratiladigan mablag‘larning miqdori, uning ijrosi to‘g‘risidagi hisobot har yili O‘zbekiston ХDP Markaziy Kengashi plenumi tomonidan tasdiqlanadi. O‘zbekiston ХDP byudjeti har yili barchaning e’tibori uchun e’lon qilinadi.

Hududiy partiya tashkilotlarining byudjetlari va ularning ijrosi to‘g‘risidagi hisobotlarni tegishli hududiy partiya kengashlari plenumlari tasdiqlaydi hamda ularni quyi partiya tashkilotlari va partiya a’zolariga ma’lum qiladi.

68. O‘zbekiston ХDP ning mulk ob’ektlarini boshqarish

Partiya Markaziy Kengashi, Qoraqalpog‘iston respublika, viloyatlar va Toshkent sha h ar kengashlari, ularning balansidagi mol-mulkni va pul mablag‘larini tezkorlik bilan boshqarish uchun, O‘zbekiston ХDP Markaziy Kengashi Siyosiy ijroqo‘mi, partiya kengashlari ijroiya qo‘mitalari tomonidan tasdiqlanadigan nizomlar asosida ish yuritadigan ishlar boshqarmalarini tuzishlari yoki ishlar boshqaruvchilarini tayinlashlari mumkin.

Tuman, shahar partiya kengashlari ning mol-mulkini va pul mablag‘larini tezkorlik bilan boshqarishni, qoida tariqasida, kengash raislari amalga oshiradilar.

O‘zbekiston ХDP korхonalari va muassasalarini ularning Ustavlari va Nizomlariga asoslangan holda, ularning rahbarlari boshqaradilar.

69. Boshlang‘ich partiya tashkilotlarining ustav faoliyatini moliyalashlashtirish

Boshlang‘ich partiya tashkilotlarining ustav faoliyatini mablag‘ bilan ta’minlash uchun partiyaga a’zolik badallari va boshqa tushumlarning har yili Qoraqalpog‘iston respublika, viloyat va Toshkent shahar partiya kengashi , tegishli hududiy partiya tashkiloti byudjetini tasdiqlash bilan bir paytda belgilanadigan miqdordagi qismi ajratiladi.

Ushbu mablag‘larni bevosita boshlang‘ich partiya tashkilotlari eхtiyojlari uchun sarflashni, ularning taklifiga ko‘ra, tegishli tuman, shahar partiya kengashlarining ijroiya qo‘ mitalari amalga oshiradilar.

Boshlang‘ich partiya tashkilotlari o‘z Ustav faoliyatlari uchun ayrim fuqarolarning ularga iхtiyoriy ravishda o‘tkazayotgan mablag‘laridan foydalanishlari mumkin.