O‘zbekiston xаlq demokrаtik pаrtiyasining ustаvi

VI. O‘ ZBEKISTON XDPning SAYLOVLARDA ISHTIROKI. PARTIYA DEPUTATLIK BIRLASHMALARINING FAOLIYATINI TASHKIL ETISH.

54. O‘zbekiston Respublikаsi Prezidenti sаylovidа O’zbekiston XDP ishtiroki

O‘zbekiston Respublikasi Prezidenti saylovida O‘zbekiston ХDPning ishtirok etish tartibi O‘zbekiston Respublikasi Konstitusiyasi va «O‘zbekiston Respublikasi Prezidenti saylovi to‘g‘risida»gi Qonun bilan belgilanadi.

O‘zbekiston Respublikasi Prezidenti saylovida partiyaning ishtiroki to‘g‘risidagi qaror, saylov mavsumi boshlanishi e’lon qilinganidan keyin bir hafta muddat ichida Siyosiy ijroqo‘m tomonidan chaqirilgan O‘zbekiston ХDP Markaziy Kengashi plenumida qabul qilinadi.
O‘zbekiston Respublikasi Prezidentligiga partiyadan nomzod O‘zbekiston ХDP qurultoyida ko‘rsatiladi. Bu haqdagi qaror qurultoy delegatlarining ko‘pchiligi yoqlab ovoz bergan taqdirda qabul qilinadi va tegishli bayonnoma bilan rasmiylashtirilib, Markaziy saylov komissiyasiga topshiriladi.


55. Qonunchilik palatasiga saylovlarda O‘zbekiston ХDP ishtiroki

Qonunchilik palatasiga saylovda O‘zbekiston ХDPning ishtirok etishi tartibi O‘zbekiston Respublikasi Konstitusiyasi va “O‘zbekiston Respublikasi Oliy Majlisiga saylovi to‘g‘risida”gi Qonun bilan belgilanadi.

Qonunchilik palatasiga saylovda O‘zbekiston ХDP ishtirok etishi to‘g‘risidagi qaror, saylov mavsumi boshlanishi e’lon qilinganidan keyin bir hafta muddat ichida, O‘zbekiston ХDP Markaziy Kengashining Siyosiy ijroqo‘mi tomonidan qabul qilinadi.

Qonunchilik palatasi deputatligiga O‘zbekiston Хalq demokratik partiyasidan nomzodlar partiya markaziy organlari tomonidan ko‘rsatiladilar.

Qonunchilik palatasi deputatligiga nomzod ko‘rsatish to‘g‘risidagi qaror majlisda qatnashayotgan partiya rahbar organi a’zolarining ko‘pchiligi yoqlab ovoz berganda qabul qilinadi va tegishli bayonnoma bilan rasmiylashtirilib, Markaziy saylov komissiyasiga topshiriladi.