O‘zbekiston tarixi

RAVOQ – toqning bir turi; bino devorlaridagi deraza va eshik o‘rinlarining yuqori qismiga qo‘yiladigan mehrobiy yoysimon qurilma.

RADIKAL (lot. radix – ildiz) – tub, qat’iy va keskin choralar, harakatlar, dasturlar tarafdori.

REGRESS (lot. regressus – orqaga ketish) – rivojlanishning yuqori darajadan quyi darajaga o‘tish davri, tanazzuli. Progressning aksi.

RIBO (arab. – sudxo‘rlik) – pulga foyda (foiz) olish; sudxo‘rlik. Ilk islomda savdo qilish va u orqali foyda ko‘rish rag‘batlantirilgani holda, pulga evazsiz foyda olish qat’iyan taqiqlangan va bu ta’qiq Qur’onda ham o‘z ifodasini topgan (Baqara surasi, 275-276 oyatlar). Hozir ham musulmon mamlakatlaridagi bank va moliya ishlarida unga amal qilinadi.

SAVROMATLAR – skiflarga qardosh bo‘lgan chorvador ko‘chmanchi qabilalar. Mil.avv. VII-IV asrlarda Volgabo‘yi va Uralbo‘yi cho‘llarida yashaganlar. Savromatlar boshqa qabilalar bilan aralashishi natijasida sarmatlar deb atala boshlangan.