O‘zbekiston tarixi

Petroglif (yunon. petra tosh, glyphe o‘yish) – ibtidoiy odamlarga tegishli qoyatosh bitigi yoki tasviri.

PESHKASH, pishkash (fors. – tuhfa, in’om) – o‘rta asrlarda mahalliy hokimlar, badavlat shaxslar tomonidan xonlar, sultonlar va oliy darajadagi mansabdor shaxslarga tortiq qilinadigan sovg‘a. Peshkash qimmatbaho zebu-ziynat, asbob-anjom, mato, kiyim-kechak, ba’zan arg‘umoq otlar, kitob va qullardan iborat bo‘lgan.

PESHTOQ – madrasa, masjid, maqbara, karvonsaroy va boshqa jamoat binolarining old tomoni – kirish qismi. Peshtoq binoning hashamatli baland, bezakdor me’moriy bo‘lagi bo‘lib, odatda bino devori sathidan biroz bo‘rttirib chiqariladi. Asosiy o‘rnini markaziy ravoq, uning ikki yonidagi dahanasi va tepasidagi ikki uchburchak qanos va kitoba tashkil etadi.