O‘zbekiston tarixi

Arxeologik madaniyat — o‘ziga xos xususiyatlari bilan ajralib turadigan muayyan davrga va hududga doir arxeologik yodgorlikliklar birligi. Ayrim yoki bir qancha belgilarga, sopol buyumlarining shakli, naqshi, marhumlarni ko‘mish tartibi, mehnat qurollari, uy-ro‘zg‘or anjomlari va boshqalarga ko‘ra belgilanadi. Odatda, yodgorlik qaerdan topilsa, shu joyning nomi bilan yuritiladi (masalan: Qovunchi madaniyati, Zamonbobo madaniyati),

Arxeologiya (yun. — qadimgi fan) — insoniyat o‘tmish tarixini moddiy madaniyat yodgorliklari mehnat qurollari, asbob-anjomlari, qurol-yarog‘lari, turar joylari, qurilishlari, qabrlari)ni qazishmalar yordamida o‘rganuvchi fan.

Arshakiylar — hozirgi Turkmanistonning janubi va Eron hududlarida miloddan avvalgi 250 yildan milodiy 11 yilga qadar hukmronlik qilgan Parfiya davlatidagi sulola, Sulolaga dax qabilasining boshlig‘i Arshak asos solganligi uchun shunday nomlangan. Arshakiylar davlatining ilk poytaxti Ashxabod yaqinidagi Niso shahri bo‘lgan. Keyinchalik u Erondagi Ktesifonga ko‘chirilgan. Parfiya davlati Mitridat II (123-87) davrida juda kuchayib, SHarqning qudratli davlatiga aylanadi. Salavkiylar qo‘shini tor-mor etilib, Eron va Mesopotamiya hududlari podsholikka qo‘shib olinadi. Badaviy – sahroyi, ko‘chmanchi arablar.