O‘zbekiston tarixi

Beruniy nomidagi O‘zbekiston Respublikasi Davlat mukofoti — fan va texnika sohasidagi mukofot. Ayrim olim yoki olimlar guruhiga ilm-fan taraqqiyotiga ulkan hissa qo‘shadigan, yuksak amaliy ahamiyatga molik bo‘lgan ilm-fanning turli sohalarida erishgan muvaffaqiyatlar va ixtirolar uchun beriladi. Dastlab O‘zSSR Davlat mukofoti sifatida 1967 yil 6 sentyabrda ta’sis etilgan. 1991 yil 5 martdan O‘zbekiston Respublikasi Davlat mukofoti. Vazirlar Mahkamasining 1996 yil 13 fevraldagi qarori bilan ta’sis qaroriga o‘zgartirishlar kiritilgan. Mukofot O‘zbekiston Rsspublikasi Prezidenti Farmoni bilan har 3 yilda Mustaqillik bayrami arafasida beriladi.

Bibliya (yun. — kitoblar) — yahudiylik va xristianlikda muqaddas xisoblangan diniy kitoblar va risolalar majmui. Bibliya ikki qismga — Qadimgi Ahd va YAngi Ahdga bo‘linadi. Qadimgi ahd yahudiylikda ham, xristianlikda ham muqaddas sanalgan va eng qadimgi asrlarda yaratilgan diniy adabiyotlardan, YAngi ahd esa, faqat xristianlar muqaddas deb hisoblaydigan diniy asarlardan iborat.

Buxoroi sharif (SHarofatli Buxoro) — qadimgi Buxoroning keng tarqalgan nomlaridan biri. O‘rta asrlarda jahondagi 7 shahar: Makka, Madina, Quddus, Buxoro, Bog‘dod, Damashq, Mozori SHarifga diniy markaz sifatida shuxrai qozonganligi uchun "SHarif" unvoni berilgan. Buxoro islom dini, musulmon axloqi, madaniyati va huquqshunosligi sharqdagi eng kuchli markazlardan birita aylanishi tufayli unga IX asr boshlaridayoq "Qubbat ul-islom" — "Islom dinining gumbazi" degan sifat ham berilgan.