O’zbekiston respulikasi sog‘liqni saqlash vazirligi

Talaba yoddan bilishi shart:
- San. M va Q №0011-94 bolalar va o’smirlar gigiyenasi muassasalari jixozlari va bolalar maktab mebeli ishlab chiqarish jixozlariga gigiyenik talablar;
- San. M va Q №0027-94 umumiy talim maktablar va yangi turdagi maktablar o’quv ishlab chiqarish jarayonining og’irligi va kun tartibini gigiyenik me'yorlash;
- Q.M. va Q № 0097-00-2000 Respublika bolalar va o’smirlar muassasalarida oziq-ovqatlar iste'mol qilinishining o’rtacha kundalik me'yori.
- San K va M № 0102-2000 maktab o’quv muassasalarida o’quv jarayonining sharoitiga gigiyenik talablar;
- K.M va K 2-98 tabiiy va sun'iy yoritilganlik. 2.01.05.98
- Dav ST. 110 15-91 o’quv stollari;
- Dav ST. 110 16-91 o’quv stullari;
O’rganish usullari
Laborator asbobli usul - bu usulda o’quv xonasi, yotoqxonalar mikroiqlimi, parametrlari aniqlanadi. Misol uchun: yortilganlik lyuksmetrlarda, shovqin, shumomerda, xavo xarakati katotermometrda aniqlanadi.
Xronometrlash usuli - bu usulda o’quv tarbiya jarayoni qanday tashkillashtirilganligini aniqlash mumkin. Bu usul kun davomida o’quvchilarning umumiy bandligini kuzatish va baholashga imkon beradi. Xronometrlash individual va ommaviy bo’lishi mumkin.
Anketa so’rovi - ko’p tartibini o’rganish bolalar va o’smirlarning o’quv tarbiya jarayonini o’rganishning zaruriy qismi bo’lib hisoblanadi. U maxsus bir kunlik xronometrlash kartalaridan iborat. Bir kunlik so’rov varaqasi kundalik tartibi savollarini o’z ichiga oladi. haftalik kartalar butun hafta davomida to’ldiriladi.
MASHG’ULOTDA QO’LLANILADIGAN YANGI PEDAGOGIK TEXNOLOGIYALAR:
«Kosa» usuli
Bu usulning nomi stullarni joylashtirish sxemasidan olingan.
Kosa ochiq yoki yopiq bo’lishi mumkin. Yopiq kosa mana bunday o’tkaziladi:
Stullarning biri ikkinchisining ichida turgan aylana ko’rinishida qo’yiladi.
Markazga joylashgan gurux munozarada faol ishtirok etadi, tashqi aylanadagilar esa, statistlardir: markaziy doira ichida o’tirganlar, ma'lum bir kishini yoki butun bir jarayonni kuzatib boradilar. Muxokama tugaganidan keyin statistlar fikr almashishadi, shuningdek yoki ko’rib chiqilayotgan masalalar xususida yoki majlis va muxokamada ishtirok etish imkoni cheklangani xususida ushbu muxokamaning ularga nechog’li tegishli bo’lganini izoxlab berishadi. O’qituvchining teskari aloqadan qanday foydalanish va qay tariqa fikr almashinish kerakligini tushuntirib berishi muxim axamiyatga ega. Mana shu kuzatuvlarni qayd qilib borish oson bo’lishi uchun tashqi doiradagi guruxning bir a'zosi nazorat ro’yxatini tuzadi.
Ochiq kosada doiraning markazidagi ikkita stulga mashg’ulotning boshida xech kim o’tirmaydi. Tashqi doirada joylashgan gurux a'zosi muxokama davomidagi xar qanday paytda o’sha stullarning biriga borib o’tirishi va munozarada qatnashishi, keyin esa, o’z o’rniga kaytib, tashqi doiradagi boshka kishiga munozarada qatnashishga imkon berishi mumkin. Ochiq kosada odamlarning joydan-joyga o’tib yurishi munozaraning bir qadar uzilib qolishiga sabab bo’lishi mumkin (kimdir stulni egallab oladi, kimdir tashqi doiradagi o’z o’rniga qaytishni istamaydi).
«Kosa» usuli bo’yicha mashg’ulot o’tkazish uchun talabalarni oldindan tayyorlash: mavzu tanlashni taklif etish, guruxni munozara qatnashchilari va kuzatuvchilariga bo’lish, teskari aloqadan foydalanish qoidalarini kuzatuvchilarga tushuntirib berish, vaqtni munozaradan keyin yalpi muxokama o’tkazish mumkin bo’ladigan qilib taqsimlab chiqish zarur. O’qituvchi munozarada ishtirok etmasdan, markaziy doira ishida qatnashishi mumkin. Pedagog vaqtni o’z ixtiyori bilan taqsimlab, yalpi muxokamalarni tashkil etish bilan shug’ullanish imkoniga ega bo’ladi. Keyin bu guruxda munozara o’tkazish tashabbusini endi talabalar o’z zimmalariga olishlari mumkin. Talabalar bilan o’tkaziladigan ish ochiq kosa usuli bo’yicha olib borilayotgan bo’lsa, guruxning xech bir a'zosi muxokama jarayonidan chetda qoldirilmaydi. O’qishning bu usuli jarayonni xolisona kuzatib borishga imkon beradi.
Dars yakunida o’qituvchi xar bir talabani savollar va to’g’ri javoblar soniga qarab baxolaydi.
Yuqoriroq ball (0,5 ball yuqori) aktivroq talabalarga qo’yiladi;
Qoloq talabalarga jarima qo’yiladi (-0,2, -0,3 ball).