O‘zbekiston respublikasioliy va o‘rta maxsus ta’lim vazirligi xuzuridagi pedagogik innovatsiyalar, kasb-hunar ta’limi boshqaruv hamda pedagog kadrlarni qayta tayyorlash va ularning malakasini oshirish instituti

KIRISH
Malaka ishi mavzusining dolzarbligi.
Mamlakat iqtisodiyotining barqaror rivojlanishini ta’minlashda, tarkibiy o’zgarishlarni chuqurlashtirish, yuqori texnologik ishlab chiqarish rivojlantirish, professional ta’lim tizimini yanada takomillashtirish muhim ahamiyat kasb etadi shu sababli, Vazirlar Mahkamasining 2021-yil 30-sentabrdagi 616-son qaroriga  O‘zbekiston Respublikasi Bandlik va mehnat munosabatlari vazirligi huzuridagi Mehnat bozori tadqiqotlari instituti to‘g‘risida NIZOM ishlab chiqarildi va Respublika ta’lim tizimida tadbiq etish ko’zda tutildi.
Prezidentimiz tomonidan 2019 yilning 6 sentyabrida «Professional ta’lim tizimini yanada takomillashtirishga doir qo‘shimcha chora-tadbirlar to‘g‘risida»gi Farmon, ushbu muhim hujjat ijrosini ta’minlash maqsadida Vazirlar Mahkamasining «O‘zbekiston Respublikasida uzluksiz boshlang‘ich, o‘rta va o‘rta maxsus professional ta’lim tizimini tartibga soluvchi normativ-huquqiy hujjatlarni tasdiqlash to‘g‘risida»gi Qarori qabul qilinib, professional ta’limni tashkil etish va amalga oshirish tartiblari belgilab berilgan edi.
Mehnat bozori bevosita mamlakat taraqqiyotida hal qiluvchi ahamiyatga ega. Shu bois, kadrlar tayyorlash masalasiga davlat siyosati darajasida ahamiyat qaratiladi. Bu jarayonda eng asosiy talab yangi professional ta’lim tizimiga qo‘yilmoqda. YAqinda qabul qilingan qaror va shu asosda tasdiqlangan Nizomdan ko‘zlangan maqsad ham xuddi shunday.
Tadqiqot obyekti. Mazkur malaka ishining tadqiqot ob’ekti bo’lib O’zbekiston Respublikasi professional ta’lim tizimining faoliyati hisoblanadi. Kasb-hunar maktablarida Xalqaro tasniflagichning 3-darajasiga mos keluvchi ta’lim dasturlari asosida 9-sinf bitiruvchilari hisobidan shakllantirilgan guruhlarda ikki yillik umumta’lim va mutaxassislik fanlarning integratsiyalashgan dasturlari asosida kunduzgi ta’lim amalga oshiriladi va bitiruvchilarga egallagan mutaxassisligi bo‘yicha faoliyat yuritish hamda kelgusida oliy ta’lim muassasalarida o‘qishni davom ettirish huquqini beruvchi diplom beriladi.