Oʻzbekiston respublikasining soliq kodeksi (Yangi tahriri) Oʻzbekiston Respublikasining

6-BOB. SOLIQLARNING ELEMENTLARI 
69-modda. Soliqlarning elementlari 
70-modda. Soliq solish obyekti 
71-modda. Soliq bazasi 
72-modda. Soliq stavkasi 
73-modda. Soliq davri 
74-modda. Soliqlar va yigʻimlarni 
hisoblab chiqarish va toʻlash tartibi 
75-modda. Soliq imtiyozlari 
69-modda. Soliqlarning elementlari 
(1-q.)
Soliq toʻgʻrisidagi qonunchilikda soliqning barcha elementlari aniqlab qoʻyilgan 
taqdirdagina ushbu soliq belgilangan deb hisoblanadi. 
(OʻzR 21.04.2021-y. OʻRQ-683-son 
Qonuni tahriridagi qism) 
(2-q.)
Bunday soliq elementlariga quyidagilar kiradi: 
1) soliq solish obyekti; 
2) soliq bazasi; 
3) soliq stavkasi; 
4) soliq davri; 
5) soliqni hisoblab chiqarish tartibi; 
6) soliq hisobotini taqdim etish tartibi; 
7) soliqni toʻlash tartibi. 
(3-q.)
Soliqni belgilashda soliq imtiyozlari va ularning qoʻllanilishi uchun asoslar nazarda 
tutilishi mumkin. 
70-modda. Soliq solish obyekti 
(1-q.)
Soliq solish obyekti mol-mulk, harakat, harakat natijasi yoki qiymat, miqdoriy yoki 
fizik xususiyatga ega boʻlgan boshqa holat boʻlib, u mavjud boʻlganda soliq toʻgʻrisidagi 
qonunchilik soliq toʻlovchida soliq majburiyatini vujudga keltiradi. 
(OʻzR 21.04.2021-y. OʻRQ-
683-son Qonuni tahriridagi qism) 
(2-q.)
Har bir soliq ushbu Kodeksning Maxsus qismiga muvofiq belgilanadigan mustaqil 
soliq solish obyektiga ega boʻladi. 
71-modda. Soliq bazasi 
(1-q.)
Soliq bazasi soliq solish obyektining qiymat, fizik yoki boshqa xususiyatini ifodalaydi. 

---

(2-q.)
Har bir soliq uchun soliq bazasi va uni aniqlash tartibi ushbu Kodeks bilan belgilanadi. 
72-modda. Soliq stavkasi 
(1-q.)
Soliq stavkasi soliq bazasining oʻlchov birligiga nisbatan hisoblanadigan soliqning 
foizlardagi yoki mutlaq summadagi miqdorini ifodalaydi. 
(2-q.)
Soliq stavkalari ushbu Kodeks bilan belgilanadi. Aksiz soligʻining stavkalari, 
mahsulot narxi dinamikasidan va uni realizatsiya qilish, shu jumladan import qilish hajmidan kelib 
chiqib, Oʻzbekiston Respublikasi Prezidentining qarorlari bilan yil davomida qayta koʻrib 
chiqilishi mumkin. 
(OʻzR 30.12.2020-y. OʻRQ-659-son Qonuni tahriridagi qism) (Oldingi 
tahririga qarang) 
OʻzR 30.12.2020-y. OʻRQ-659-son
Qonuniga 
muvofiq uchinchi qism chiqarib tashlangan 
(3-q.) Aksiz soligʻi, yer soligʻi, suv resurslaridan foydalanganlik uchun soliq va qatʼiy 
belgilangan summada jismoniy shaxslardan olinadigan daromad soligʻi stavkalari Oʻzbekiston 
Respublikasining Davlat budjeti toʻgʻrisidagi Qonuni bilan belgilanadi. Aksiz soligʻining 
stavkalari, mahsulot narxi dinamikasidan va realizatsiya qilish hajmidan kelib chiqib, Oʻzbekiston 
Respublikasi Prezidentining qarorlari bilan yil davomida qayta koʻrib chiqilishi mumkin.