Oʻzbekiston respublikasining soliq kodeksi (Yangi tahriri) Oʻzbekiston Respublikasining

19-BOB. SOLIQ MONITORINGI 
169-modda. Soliq monitoringi toʻgʻrisidagi umumiy qoidalar 
170-modda. Axborotga doir hamkorlik reglamenti 
171-modda. Soliq monitoringini oʻtkazish toʻgʻrisidagi qaror 
172-modda. Soliq monitoringini muddatidan oldin tugatish 
173-modda. Soliq monitoringini oʻtkazish tartibi 
174-modda. Soliq organining asoslantirilgan fikri 
175-modda. Oʻzaro kelishuv tartib-taomili 
169-modda. Soliq monitoringi toʻgʻrisidagi umumiy qoidalar 
(1-q.)
Quyidagilar soliq monitoringining predmetidir: soliq toʻgʻrisidagi qonunchilikka rioya 
etish, oʻziga nisbatan soliq monitoringi oʻtkazilayotgan yuridik shaxs tomonidan soliqlar va 
yigʻimlarni hisoblashning toʻgʻriligi, toʻliq va oʻz vaqtida toʻlanganligi (oʻtkazib berilganligi). 
(OʻzR 21.04.2021-y. OʻRQ-683-son Qonuni tahriridagi qism) 
(2-q.)
Soliq monitoringi ushbu Kodeksga muvofiq yuridik shaxs qaysi soliqlar va 
yigʻimlarga nisbatan soliq toʻlovchi yoki soliq agenti boʻlsa, barcha shunday soliqlar va 
yigʻimlarni qamrab oladi. 

---

(3-q.)
Soliq toʻlovchilar uchun soliq monitoringi ixtiyoriydir. 
(4-q.)
Soliq monitoringi soliq monitoringini oʻtkazish toʻgʻrisidagi qaror asosida soliq organi 
tomonidan amalga oshiriladi. 
(5-q.)
Yuridik shaxs, agar uning oldingi yil uchun daromadlari yillik moliyaviy hisobot 
maʼlumotlariga koʻra kamida besh milliard soʻmni tashkil etgan boʻlsa, soliq monitoringini 
oʻtkazish toʻgʻrisidagi ariza bilan soliq organiga murojaat qilishga haqli. 
(OʻzR 14.09.2021-y. 
OʻRQ-714-son Qonuni tahriridagi qism) 
(6-q.)
Yuridik shaxs soliq organiga soliq monitoringini oʻtkazish toʻgʻrisida ariza taqdim 
etgan yildan keyingi kalendar yil soliq monitoringi oʻtkaziladigan davrdir.
(7-q.)
Soliq monitoringini oʻtkazish soliq monitoringi oʻtkaziladigan yilning 1-yanvaridan 
boshlanadi va soliq monitoringi oʻtkazilgan davrdan keyingi yilning 1-iyulida tugallanadi.