O’zbekiston respublikasining soliq kodeksi I bo’lim. Umumiy qoidalar

xususiyatlari 
O’zbekiston Respublikasi hududi realizatsiya qilish joyi bo’lgan tovarlar 
(xizmatlar) soliq to’lovchilar sifatida soliq organlarida hisobda turmagan chet ellik 
yuridik shaxslar tomonidan realizatsiya qilingan taqdirda, soliq bazasi soliq agentlari 
tomonidan soliqni hisobga olgan holda bunday tovarlarni (xizmatlarni) aktsizlar 
(aktsiz to’lanadigan tovarlar uchun) va soliq hisobga olingan holda, realizatsiya 
qilishdan olingan daromad summasi sifatida aniqlanadi. 
Agar ushbu moddaning birinchi qismida ko’rsatilgan chet ellik shaxslar bilan 
hisob-kitoblarda O’zbekiston Respublikasining yuridik shaxslari yoxud chet ellik 
yuridik shaxslarning doimiy muassasalari topshiriq, vositachilik shartnomalari yoki 
boshqa vositachilik shartnomalari asosida ishtirok etsa, bunday shaxslar soliq 
agentlari deb e’tirof etiladi. Mazkur hollarda soliq bazasi soliq agenti tomonidan 

---

259 
bunday tovarlarning (xizmatlarning) aktsizlar (aktsiz to’lanadigan tovarlar uchun) 
va soliq hisobga olingan holdagi qiymati sifatida aniqlanadi.
Ushbu Kodeksning 295-moddasida ko’rsatilgan chet ellik yuridik shaxslar 
realizatsiya qilish joyi O’zbekiston Respublikasi deb e’tirof etiladigan elektron 
shakldagi xizmatlarni ko’rsatgan, shu jumladan O’zbekiston Respublikasining 
yuridik shaxslariga yoki chet ellik yuridik shaxslarning doimiy muassasalariga 
topshiriq, vositachilik shartnomalari yoki shunga o’xshash shartnomalar asosida 
elektron shakldagi xizmatlarni ko’rsatgan taqdirda bunday xizmatlarning mazkur 
xaridorlari soliq agentlari deb e’tirof etiladi. 
O’zbekiston Respublikasi hududida tovarlarni (xizmatlarni) realizatsiya 
qilishga doir har bir operatsiya amalga oshirilganda soliq bazasi ushbu bo’lim 
qoidalari hisobga olingan holda alohida aniqlanadi. 
Ushbu moddaga muvofiq soliq agentlari deb e’tirof etiladigan shaxslar tegishli 
soliq summasini hisoblab chiqarishi, soliq to’lovchidan, u soliq to’lovchi 
ekanligidan yoki soliq to’lovchi emasligidan qat’i nazar, uni ushlab qolishi va 
byudjetga o’tkazishi shart. Bunda soliq bazasi O’zbekiston Respublikasi hududida 
tovarlarni (xizmatlarni) realizatsiya qilishga doir har bir operatsiya amalga 
oshirilganda ushbu bo’lim qoidalari hisobga olingan holda alohida aniqlanadi. 
Ushbu moddaning qoidalari ushbu Kodeksning 255–257-moddalarida 
ko’rsatilgan tovarlarni (xizmatlarni) realizatsiya qilishda qo’llanilmaydi. 
Soliq ushbu moddaga muvofiq to’langanligini tasdiqlovchi to’lov hujjati ushbu 
Kodeksning 37-bobiga muvofiq to’langan soliq summasini hisobga o’tkazish 
huquqini beradi.