O’zbekiston respublikasining soliq kodeksi I bo’lim. Umumiy qoidalar

---

Loyiha 
 
O’ZBEKISTON RESPUBLIKASINING
SOLIQ KODEKSI 
 
 
 
 
I BO’LIM. UMUMIY QOIDALAR 
 
1-bob. Asosiy qoidalar 
 
1-modda. O’zbekiston Respublikasining Soliq kodeksi bilan 
tartibga solinadigan munosabatlar 
 
Ushbu Kodeks soliqlar va yig’imlarni belgilash, joriy etish va bekor qilishga, 
hisoblab chiqarish hamda to’lashga doir munosabatlarni, shuningdek soliq 
majburiyatlarini bajarish bilan bog’liq munosabatlarni tartibga soladi. 
Soliq to’g’risidagi qonun hujjatlari, agar ushbu Kodeksda boshqacha qoida 
belgilanmagan bo’lsa, bojxona to’lovlarini belgilash, joriy etish va to’lashga doir 
munosabatlarga, xuddi shuningdek bojxona majburiyatlarini bajarish bilan bog’liq 
munosabatlarga nisbatan qo’llanilmaydi. 
 
2-modda. Soliq to’g’risidagi qonun hujjatlari 
Soliq to’g’risidagi qonun hujjatlari ushbu Kodeksdan va qabul qilinishi ushbu 
Kodeksda to’g’ridan-to’g’ri nazarda tutilgan boshqa normativ-huquqiy hujjatlardan 
iborat. 
Ushbu Kodeksga o’zgartishlar kiritish, shu jumladan uning qoidalarini bekor 
qilish, amal qilishini to’xtatib turish yoki o’z kuchini yo’qotgan deb e’tirof etish 
shunday o’zgartishlarni kiritish to’g’risidagi alohida qonunlar bilan amalga 
oshiriladi. 
Ushbu Kodeksga kiritiladigan o’zgartishlar huquqiy jihatdan tartibga 
solishning mustaqil predmetini o’z ichiga olgan yoki boshqa qonunlarni 
o’zgartiruvchi qonunlarga kiritilishi mumkin emas. 
O’zbekiston Respublikasi Davlat soliq qo’mitasi O’zbekiston Respublikasi 
Moliya vazirligi bilan kelishilgan holda, O’zbekiston Respublikasi hududida soliq 
to’g’risidagi qonun hujjatlari normalarining bir hil qo’llanilishi maqsadida soliq 
organlari uchun majburiy bo’lgan uslubiy tavsiyalarni chiqarishga xaqli. Mazkur 
uslubiy tavsiyalar normativ-huquqiy hujjat hisoblanmaydi. 
Soliq to’g’risidagi qonun hujjatlarining qoidalarini o’zgartiruvchi, istisno 
etuvchi, to’ldiruvchi yoki boshqacha tarzda buzib ko’rsatuvchi qonunlar va boshqa 
normativ-huquqiy hujjatlar, agar ushbu moddaning ikkinchi qismida boshqacha 
qoida belgilanmagan bo’lsa, ushbu Kodeksga muvofiq emas deb topiladi. 

---

2 
Ushbu Kodeksning qoidalariga muvofiq bo’lmagan normativ-huquqiy hujjatlar 
yoki ularning qismlari soliq solish maqsadida qo’llanilmaydi.