O’zbekiston respublikasining soliq kodeksi I bo’lim. Umumiy qoidalar

35-bob. Soliq davri. Soliq stavkalari 
 
270-modda. Soliq davri. Hisobot davri 
 
Bir chorak soliq davridir. 
Quyidagilar hisobot davridir: 
o’tgan chorak yakunlariga ko’ra tovarlarni (xizmatlarni) realizatsiya qilishga 
doir aylanmasi 1 mlrd.so’mdan ortiq bo’lgan soliq to’lovchilar uchun – bir oy; 
qolgan soliq to’lovchilar uchun – bir chorak. 
271-modda. Soliq stavkalari
Agar ushbu Kodeksning 36-bobida boshqacha qoida belgilanmagan bo’lsa, 
soliq stavkasi 20 foiz miqdorda belgilanadi. 
Ushbu Kodeksning 36-bobida nazarda tutilgan hollarda, soliq stavkasi nol foiz 
miqdorida belgilanadi. 
36-bob. Nol darajali stavka bo’yicha soliq solinadigan
aylanma 
 
272-modda. Eksportga doir operatsiyalarga va ularga
tenglashtirilgan operatsiyalarga soliq solish
 
Nol darajali stavka bo’yicha soliq solish quyidagilar realizatsiya qilingan 
taqdirda amalga oshiriladi: 
1) O’zbekiston Respublikasi hududidan eksport bojxona tartib-taomilida olib 
chiqilgan tovarlar; 
2) bojxonaning erkin bojxona hududi tartib-taomiliga joylashtirilgan tovarlar; 
3) ilgari bojxona hududida qayta ishlash bojxona tartib-taomiliga 
joylashtirilgan, O’zbekiston Respublikasi hududidan olib chiqilgan tovarlar va 
(yoki) bojxona hududida qayta ishlash bojxona tartib-taomiliga joylashtirilgan 

---

262 
tovarlarni qayta ishlash natijasida olingan (hosil bo’lgan) tovarlar (qayta ishlash 
mahsulotlari, chiqindilar va (yoki) qoldiqlar); 
4) O’zbekiston Respublikasi hududidan olib chiqilgan g’amlab qo’yilgan 
narsalar. Ushbu modda maqsadlarida havo kemalaridan normal foydalanilishini 
ta’minlash uchun zarur bo’lgan yoqilg’i va yoqilg’i-moylash materiallari g’amlab 
qo’yilgan narsalar deb e’tirof etiladi; 
5) chet eldan keltirilgan tovarlarni tashish chog’ida bojxona tranziti bojxona 
tartib-taomiliga joylashtirilgan tovarlarni bevosita O’zbekiston Respublikasi 
hududiga etib keladigan joydagi bojxona organidan O’zbekiston Respublikasi 
hududidan chiqib ketadigan joydagi bojxona organigacha tashish yoxud transportda 
tashish bilan bog’liq xizmatlar; 
6) xalqaro tashishlar bilan bevosita bog’liq bo’lgan xizmatlar. 
Nol darajali stavkani qo’llash huquqini tasdiqlovchi hujjatlar ushbu Kodeksda 
belgilangan muddatlarda soliqqa doir soliq hisoboti bilan birga taqdim etiladi.