O’zbekiston respublikasining soliq kodeksi I bo’lim. Umumiy qoidalar

 
331-modda. Oddiy shirkat shartnomasi (birgalikdagi 
faoliyat)
doirasida amalga oshirilgan operatsiyalarida soliqni
hisoblash va to’lashning o’ziga xos xususiyatlari
Ushbu Kodeksning 292-moddasida nazarda tutilgan, operatsiyalarning 
umumiy hisobini yuritish, shu jumladan soliq hisobi va hisobga kiritish tartibi 
to’g’risidagi qoidalar foyda solig’ini hisoblash va to’lashda qo’llaniladi. Soliq 
bo’yicha oddiy shirkat shartnomasi sherigi (ishtirokchisi) soliq bazasini aniqlashda 
ular tomonidan umumiy mulkka pulsiz hissa sifatida ulush kiritilgan taqdirda: 
1) mol-mulkning baholash qiymati va ushbu mol-mulkning qoldiq qiymati 
o’rtasidagi musbat farq yalpi daromadga kiritiladi; 
2) manfiy farq soliq bazasini kamaytirmaydi. 
Oddiy shirkat shartnomasining ishonchli shaxsi ushbu shirkatning faoliyati 
bilan bog’liq bo’lgan daromadlar va xarajatlarning alohida hisobini yuritadi, oddiy 
shirkat shartnomasining barcha sheriklari (ishtirokchilari) tomonidan olingan soliq 
bazasini aniqlaydi va uning zimmasiga soliq to’lovchining ushbu bo’limda nazarda 
tutilgan majburiyatlari yuklatiladi.
Birgalikdagi faoliyat natijasida olingan daromad birgalikdagi faoliyat sheriklari 
(ishtirokchilari) o’rtasida har bir sherik (ishtirokchi) hissasining ulushi asosida yoki 
oddiy shirkat shartnomasining shartlariga muvofiq taqsimlanadi. Har bir sherikdagi 
(ishtirokchidagi) mazkur daromad dividend deb e’tirof etiladi va unga ushbu 
Kodeksga muvofiq soliq solinadi. 

---

313 
 
332-modda. Kursdagi farqqa soliq solishning o’ziga xos
xususiyatlari
 
Balansning valyuta hisobvaraqlarini qayta baholashdan, shuningdek chet el 
valyutasida operatsiyalarni amalga oshirish chog’ida yuzaga keladigan kursdagi 
musbat (manfiy) farq O’zbekiston Respublikasining buxgalteriya hisobi 
to’g’risidagi qonun hujjatlariga muvofiq jami daromad (xarajatlar) tarkibiga 
kiritiladi.