O‘zbekiston Respublikasining Iqtisodiy protsessual kodeksi

211-modda. Qarzdorni bankrot deb topish to‘g‘risidagi ariza bilan sudga murojaat etish huquqi
Bankrotlik sohasidagi munosabatlarni tartibga soluvchi qonunga muvofiq qarzdor, kreditorlar va boshqa manfaatdor shaxslar qarzdorni bankrot deb topish to‘g‘risidagi ariza bilan sudga murojaat etishga haqli.
Arizaga bankrotlik sohasidagi munosabatlarni tartibga soluvchi qonunda nazarda tutilgan hujjatlar ilova qilinadi.
LexUZ sharhi
Qarang: Mazkur Kodeks 25-moddasi birinchi qismining 3-bandi, 27, 36, 210-moddalari, O‘zbekiston Respublikasining 24.05.2003-yildagi “Bankrotlik to‘g‘risida”gi Qonunining 6 — 10-moddalari.
LexUZ sharhi
Qo‘shimcha ma’lumot uchun qarang: O‘zbekiston Respublikasi Oliy xo‘jalik sudi Plenumining 27.01.2006-yildagi “Bankrotlik to‘g‘risidagi qonun hujjatlarini iqtisodiy sudlar tomonidan qo‘llashning ayrim masalalari haqida”gi 142-sonli Qarorining 3 — 17, 35-bandlari.
26-bob. Korporativ nizolar bo‘yicha ish yuritish
212-modda. Korporativ nizolar bo‘yicha ishlarni ko‘rib chiqish
Korporativ nizolar bo‘yicha ishlar ushbu Kodeksda nazarda tutilgan da’vo ishini yuritishning umumiy qoidalari bo‘yicha, mazkur bobda belgilangan xususiyatlar inobatga olingan holda sud tomonidan ko‘rib chiqiladi.
LexUZ sharhi
Qarang: Mazkur Kodeks 25-moddasi birinchi qismining 1, 5-bandlari, 30-moddasi, 37-moddasining beshinchi qismi, 213, 214-moddalari.
LexUZ sharhi
Qo‘shimcha ma’lumot uchun qarang: O‘zbekiston Respublikasi Oliy xo‘jalik sudi Plenumining 20.06.2014-yildagi “Iqtisodiy sudlar tomonidan korporativ nizolarni hal etishning ayrim masalalari to‘g‘risida”gi 262-sonli qarori.
213-modda. Korporativ nizo bo‘yicha da’vo arizasiga doir talablar
Korporativ nizo bo‘yicha da’vo arizasi ushbu Kodeksning 149-moddasida nazarda tutilgan talablarga muvofiq bo‘lishi kerak.
Korporativ nizo bo‘yicha da’vo arizasiga ushbu Kodeksning 151-moddasida nazarda tutilgan hujjatlar, shuningdek yuridik shaxsning davlat ro‘yxatidan o‘tkazilganligini tasdiqlovchi va uning joylashgan eri (pochta manzili) to‘g‘risidagi ma’lumotlar ko‘rsatilgan hujjat ilova qilinadi.
LexUZ sharhi
Qarang: Mazkur Kodeks 25-moddasi birinchi qismining 1, 5-bandlari, 30-moddasi, 37-moddasining beshinchi qismi, 212, 214-moddalari.
LexUZ sharhi
Qo‘shimcha ma’lumot uchun qarang: O‘zbekiston Respublikasi Oliy xo‘jalik sudi Plenumining 20.06.2014-yildagi “Iqtisodiy sudlar tomonidan korporativ nizolarni hal etishning ayrim masalalari to‘g‘risida”gi 262-sonli qarorining 7 — 23-bandlari.