O‘zbekiston Respublikasida chorvachilik sohasi va uning tarmoqlarini rivojlantirish bo‘yicha 2022 2026-yillarga mo‘ljallangan dastur (keyingi o‘rinlarda Dastur) 1-ilovaga muvofiq

6. Asalarichilik tarmog‘ini rivojlantirishga doir chora-tadbirlar

43.	Asalarichilik tarmog‘ida naslchilik ishini yanada takomillashtirishga yo‘naltirilgan choralarni ko‘rish, O‘zbekiston sharoitiga moslashgan “Karpat” va “Karnika” asalari zotlarini xorijdan olib kirish va ularni ko‘paytirish bo‘yicha “Nasldor ona asalarilarning himoyalangan hududlari” dasturini amalga oshirish.	Chora-tadbirlar dasturi	2022-yil 1-aprel	Veterinariya va chorvachilikni rivojlantirish davlat qo‘mitasi, “O‘zbekiston asalarichilari” uyushmasi, manfaatdor vazirlik va idoralar
44.	Asal sifatini xalqaro talablarga moslashtirish, zararkunandalarga qarshi qo‘llaniladigan kimyoviy vositalarning asalarichilik sohasiga salbiy ta’sirini kamaytirishni tartibga solish.	Chora-tadbirlar dasturi	2022-yil 1-aprel	Veterinariya va chorvachilikni rivojlantirish davlat qo‘mitasi, “O‘zbekiston asalarichilari” uyushmasi, manfaatdor vazirlik va idoralar
45.	O‘rmon xo‘jaligi yerlari va qishloq xo‘jaligi ekin maydonlarida asalarilarni mavsumiy joylashtirish bo‘yicha “Asalari xaritasi” dasturini ishlab chiqish va shu asosida o‘rmon xo‘jaligi yerlariga asalarilarni joylashtirishni tashkil etish.	Chora-tadbirlar dasturi	2022-yil 1-may	O‘rmon xo‘jaligi davlat qo‘mitasi, Veterinariya va chorvachilikni rivojlantirish davlat qo‘mitasi “O‘zbekiston asalarichilari” uyushmasi, manfaatdor vazirlik va idoralar
46.	Qishloq xo‘jaligi ekinlarini asalarilar bilan changlatish agrotexnologiyasini tizimli yo‘lga qo‘yish hisobiga tarmoqni tijoratlashtirish maqsadida asalarilar bilan changlatish xizmatini bosqichma-bosqich joriy etish.	Chora-tadbirlar dasturi	2022-yil 1-iyul	Qishloq xo‘jaligi vazirligi, Veterinariya va chorvachilikni rivojlantirish davlat qo‘mitasi, “O‘zbekiston asalarichilari” uyushmasi, manfaatdor vazirlik va idoralar
47.	Chorvachilik va parrandachilik ilmiy-tadqiqot instituti bazasida Asalarichilik ilmiy-tajriba stansiyasi va xo‘jalik hisobidagi Asalarichilarni o‘qitish maktabini tashkil etish.	Tashkiliy chora-tadbirlar	2022-yil 1-sentabr	Veterinariya va chorvachilikni rivojlantirish davlat qo‘mitasi, “O‘zbekiston asalarichilari” uyushmasi, manfaatdor vazirlik va idoralar