O‘zbekiston respublikasi xalq ta'limi vazirligi respublika ta'lim markazi

Tursunboy Adashboyev

O‘QITUVCHIM

“Alifbe”dan o‘rin olgan

Bir kam o‘ttiz harflarni,

“Alla”, “Anor”, “Bahor”, “Bayroq” –

Kabi oddiy gaplarni

• 
  O‘rgatgan kim?
  
• 
  O‘qituvchim.
  

Sodda, ziyrak, biroz sho‘xmiz,

Qiziquvchan, sertalab.

“Lola”, “Osh-ol” so‘zlarini,

Toqat bilan erkalab

• 
  Yozdirgan kim?
  
• 
  O‘qituvchim.
  

Harf tanitib, burro qilgan

Anvarni, Sanobarni.

• 
  Kim o‘rgatgan karralarni,
  

To‘rt amal, barobarni?

• 
  Aytchi, Azim?
  
• 
  O‘qituvchim.
  

Kitobni shar o‘qir Hulkar,

Rosti gap ishonmadik.

Biz “Alifbe” bayramini

Juda zo‘r nishonladik.

• 
  Ustozing kim?
  
• 
  O‘qituvchim.
  

Doim shaymiz: - Labbay, - deb

Ustozlar xitobiga.

Bolajonlar, navbat keldi

Endi “O‘qish kitobi”ga.

• 
  O‘rgatar kim?
  
• 
  O‘qituvchim.
  

Adabiy o‘qish: Умида Абдуазимова “Ўзбекча туш кўраман” шеъри.

УМИДА АБДУАЗИМОВА

Umida Abduazimova 1953 yil 1 iyunda Toshkent shahrida tugʻildi. 1970-1975 йилларда Toshkent davlat universitetining jurnalistika fakultetida tahsil oldi.

Shoira mehnat faoliyatini Oʻzbekiston televideniyesi Adabiy-dramatik koʻrsatuvlar tahririyatida muharrirlikdan boshladi. Soʻngra Respublika vaqtli matbuoti, “Yosh kuch” jurnali, “Maʼrifat” va “Tong yulduzi” gazetalarida turli lavozimlarda xizmat qildi.

“Sevilganda” nomli ilk sheʼriy toʻplami 1977 yilda bosildi. Shundan soʻng shoiraning “Ishqli umrim” (1979), “Kurtak” (1982), “Umrim ziynati” (1990), “Oymomabogʻ” (1991), “Sevinchim” (1992), “Behruz yangi kun demak” (1997), “Oydin orzular” (1998), “Seni koʻrgim kelaveradi” (1998) nomli publitsistik asarlari, badiiy va sheʼriy kitoblari nashr etildi. Bolalarga atab yozgan sheʼrlarida bolalik dunyosi, qaytalanmas farahli onlari, ruhiyat olami, betakror oʻyinlariyu oʻy-xayollari jonli ifodalangan.

Umida Abduazimovaning ijodi mustaqillik yillarida yanada barakali boʻlib, “Arazlamang” (2002), “Oʻn sakkizdan oʻtgum yoʻq” (2003), “Shirintoy” (2005), “Tikilib-tikilib qarayman” (2006), “Oʻn olti yoshimda” (2007), “Yozilmagan kitob” (qissa, 2007) nomli kitoblar yozdi.

Isteʼdodli shoira Respublika Yoshlar tashkiloti mukofoti (1984), Oʻzbekistonda xizmat koʻrsatgan madaniyat xodimi unvoni hamda “Shuhrat” medali (1987) bilan taqdirlangan.