O‘zbekiston respublikasi xalq ta'limi vazirligi respublika ta'lim markazi

ЯХШИЛИККА ОҒДИРДИМ

Пўлат Мўмин

Бир ёмон болага Дўст бўлиб қолдим. Баъзилар ҳайратда – Қолишди олдин. “Вой, нега ўзига – Уни кўрди эп”. Ачиниб-ачиниб Сўзлашар ҳадеб. Уларнинг ташвиши – Тўғри, ўрнида, Қашқаси бор эди Қаншар, бурнида. Ўргандим мен унинг Кўнглин оҳиста. Бечора одобда Экан кўп хаста. Эҳтимол мен унга Ёққандай бўлдим. Дўстлик меҳри билан Боққандай бўлдим. Бирга кетиб йўлда Отмоқ бўлар тош, Қўй, ундай қилма, деб Қимирлатсам бош, – Тошини ташларди, Ўша заҳоти. Йўлга тушиб борар Хулқи – одати. Киноларга тушдик, Бирга қилдик дарс.

Шахматлар ўйнадик, Гоҳ бошладик баҳс. Кундан-кун ҳалимдай Юмшаб борди у. Яхши болаларга Ўхшаб борди у. Бир куни қилдик биз Қилич-у тўқмоқ, Қасамёд айладик Бўлишга ўртоқ. Аслида эмасди Ёмон ёки гож. Фақат яхши гапга Экан у муҳтож. Уйларига борсам, Хурсанд ойиси. Меҳмон қилар роса, Бор-да боиси. Яхши сифатлари Кўп-да ўзида: Ёлғон гапирмас ҳеч, Турар сўзида. Ёғдай ёқар унга Ширин мақтовим. Ўнгидан келгандай Мўлжалим – овим. Яхшилик томонга Ахир оғдирдим. Қилган хизматим шу: Кўпга ёқтирдим.

8-SINFGA
1-chorak. Adabiy o‘qish. Orif To‘xtash. “Ona-Vatan” she'ri.
1-topshiriq. Orif To‘xtashning hayoti va ijodiy faoliyati haqidagi ma'lumotlarni o‘qing va so‘zlab bering.
Orif To‘xtashev 1976 yilda Samarqand viloyati Ishtixon tumanida tug‘ilgan. O‘zining ilk ijodiy mashqlarini 3-4-sinflarda o‘qib yurgan vaqtlarida boshlagan. O‘zbekiston xalq shoiri Abdulla Oripov tomonidan “Bolakay shoir” deb nom olgan Orif To‘xtash 12 yoshida Do‘rmonda o‘tkazilgan ijodkorlarning V seminarida eng sh ishtirokchi sifatida qatnashib, yuqori bahoga sazovor bo‘lgan. U1993-1998 yillarda Samarqad davlat universiteti jurnalistika fakultetida tahsil olib, dastlab O‘zbekiston Milliy axborot agentligining “Respublika” gazetasida, so‘ng “Tasviriy oyna” ijodiy uyushmasida referent sifatida ishlagan. Keyinchalik “Darakchi” gazetasi muxbiri, “Ma'naviyat” studiyasi muharriri, O‘zbekiston telekanalining mas'ul kotibi, respublika teleradio kompaniyasining bo‘lim boshlig‘i lavozimlarida faoliyat yuritgan.

Uning “G‘unchalar tabassumi” (1991),“Quyosh yo‘li” (1995),“Ko‘ngilga tashrif” (1998) she'riy to‘plamlari bosilib chiqqan. 1997 yilda Ulug‘bek jamg‘armasi mukofot sovrindori bo‘lgan.

2-topshiriq. She'rni ifodali o‘qing, ajratib ko‘rsatilgan satrlar mazmunini o‘z so‘zlaringiz bilan izohlang.
ONA-VATAN

Ozod Vatan, hur Vatan, Tuprog‘i zar, dur Vatan. Ko‘zimizga to‘tiyo Aylasak arzir Vatan – Serquyosh O‘zbekiston, Beqiyos O‘zbekiston! Jilvalanar jamoli, Yurtlarning barkamoli. Bir Vatanki, zargor yer, Ham musaffo samoli – Serquyosh O‘zbekiston, Beqiyos O‘zbekiston!

Tenglar ichra tengi yo‘q, Eng muqaddas, eng buyuk!