O'zbekiston respublikasi xalq ta'limi vazirligi n. Mahmudov, A. Nurmonov, A. Sobirov, I. Hojaliyev

«Mustaqillk madhi qo'shiqlarda»
mavzusida matn tuzib, kelishik 
qo'shimchalarining tagiga chizib keladilar. 
43-dars 
NAZORAT DIKTANTI 
 
Darsning maqsadi: 
a) ilmiy maqsad — o'quvchilar bilimini sinash; 
b) tarbiyaviy maqsad — o'quvchilaiga istiqlolga sadoqat ruhini singdirish; 
d) rivojlantiruvchi maqsad — o'quvchilarning savodxonligini o'stirish. 
Darsning jihozi:
diktant matni.
Darsning rejasi:
1. Diktant matni bilan tanishtirish. 
2. Matn yuzasidan suhbat. 
3. Diktant yozdirish. 
ADOLAT TUYG'USI 
Adabiyot, san'at — qalbning hunari, yurakning ishi. Shoir, yozuvchi — 
yuragining so'zi, qalbining amri bilan qo'liga qalam oladigan odam. Agar 
yozuvchi, shoir vijdon so'zini aytolmasa fojia yuz beradi. Adabiyot ahli hamma 
zamonlarda inson qalbining erki uchun kurashgan. Zamonlar bo'lganki, unda rost 
gapni aytish jasorat hisoblangan. Biz esa shunday jamiyatda yashayotirmizki, 
davlat, mamlakat manfaatlari bilan xalq manfaatlari o'rtasida ziddiyat yo'q. Butun 
jamiyat va shu jamiyatning intilishlari, orzu-maqsadlarining ifodachisi bo'lmish 
yozuvchilarning niyati bitta: xalqqa xizmat. Binobarin, shunday bir davrda rost 
gapni aytish jasorat sanalishi jo'yali hodisa emas. Lekin biz shunday davrni 
boshimizdan kechirdikki, jamiyatdagi ayrim nuqsonlarni ko'rsatish ba'zi yuqori 
lavozimdagi odamlar tomonidan jamiyatning ildiziga bolta urish, jamiyat bog'iga 
tosh otish, deb talqin etildi. Kamchiliklarimizni baralla aytishimiz, bu — uydagi 
gapni ko'chaga olib chiqish, tuzumimiz muxoliflari oldida o'zimizni kamsitish, 
deb baholandi. Bunday fikr hokim bo'lgan vaqtda yozuvchining ijod qilishi 
nihoyatda mushkul.