O'zbekiston respublikasi xalq ta'limi vazirligi n. Mahmudov, A. Nurmonov, A. Sobirov, I. Hojaliyev

24-dars 
JUFT VA TAKRORIY OLMOSHLAR HAMDA ULARNING IMLOSI 
 
Darsning maqsadi: 
a) ilmiy maqsad — juft va takroriy olmoshlar hamda ularning imlosi 
haqidagi malakalarini rivojlantirish; 
b) tarbiyaviy maqsad — o'quvchilarni dehqonchilikka mehr-muhabbat 
ruhida tarbiyalash; 
d) rivojlantiruvchi maqsad — savodxonlikni o'stirish. 
Darsning jihozi:
mavjud texnika vositalari, tarqatma materiallar. 
Darsning 
rejasi:
1. Juft olmoshlar va ularning imlosi. 
2. Takroriy olmoshlar va ularning imlosi. 
Dars uyga berilgan 89-mashqni o'qitib tekshirishdan boshlanadi. So'ng 1-
topshiriq bajariladi. Berilgan gaplardan olmoshlar aniqlanadi. Namuna: O'sha 
voqealarni eslasam, o'zimdan-o'zim xursand bo'lib ketaman. 2-topshiriqni 
bajarishda o'quvchilar olmoshlarning tarkibini aniqlaydi. 
O’z + bilarmon, o’z + 
boshimcha 
olmoshlarining tarkibi izohlanadi. So'ng o'qituvchi «Bilib oling!» 
ruknida berilgan nazariy ma'lumotni bayon qiladi. Bunda takroriy olmoshlar 
chiziqcha bilan yozilishiga, agar ular yuklamalar yordamida birikkan bo'lsa, 
chiziqcha tushirilib yozilishiga 
(siz-u biz)
e'tiborni qaratadi. So'ng sinf ikki 
guruhga bo'Iinadi. 90-mashqni bajarishda 1-guruh takroriy olmoshlarni, 2-guruh 
juft olmoshlarni ko'chirib yozadi. Olmosh-larning tagiga chizib, yozilishini 
izohlaydilar. 
92-mashq mustaqil ish sifatida bajariladi. O'quvchilar 
o'z-boshimcha, 
o’zbilarmon, o’ziga kelmoq, o’zidan ketmoq, manman 
kabi so'z va so'z birikmalari 
ishtirokida gaplar tuzishadi. So'ng o'qituvchi 
o’zboshimcha, o’zbilarmon, 
manman, sensirama (nima qilmoq)
so'zlari qanday so'roqqa javob bo'lishini 
so'ragach, olmoshlar boshqa so'zlarning yasalishi uchun asos bo'lishi mumkinligi 
tushuntiriladi. 
Uyga vazifa: 93-mashq.