O'zbekiston respublikasi xalq ta'limi vazirligi n. Mahmudov, A. Nurmonov, A. Sobirov, I. Hojaliyev

26-dars 
NAZORAT DIKTANTI 
 
Darsning maqsadi: 
a) ihniy maqsad — o'quvchilar bilimini sinash; 
b) tarbiyaviy maqsad - o'quvchilarga estetik tarbiya berish; 
d) rivojlantiruvchi maqsad - o'quvchilarning savodxonligini 
o'stirish. 
Darsning jihozi:
diktant matni. 
Darsning rejasi: 
1. Diktant matni bilan tanishtirish. 
2. Matn yuzasidan suhbat. 
3. Diktant yozdirish. 
QARZDORLIK HISSI 
Bundan o'n ikki yil avval, mana shunday bahor kunlarida Chilonzor 
Oqtepasiga yaqin, Anhor yoqasida joylashgan yovvoyi bog'dagi xaroba 
kulbalarning birida ijarada turardim. Yoshligimning eng baxtiyor va go'zal kunlari 
shu bog'da o'tgani sababli, hali-hanuz yoz kelganda yerga to'kilib anqigan o'riklar 
hidi tutgan, kuzda ta'riflab bo'lmas ranglarga bo'yaladigan, qishda butun atrofni 
sukunat quchgan tashlandiq bog'da hukm surgan yolg'izlik adashgan ruhimga yo'l 
topib berdi, dardsiz ko'nglimga dard ato qildi. 
Tungi daraxtlar bilan kechgan suhbatlar, jar tubida jildiragan ariqchaning 
siniq qo'shiqlari, keksa anhor rivoyatlari, kuzak yomg'irlarining tomdan sizib o'tib, 
kulba devorlarida qoldirgan izlaridagi iztirob, qish qorlaridagi ruhni sokinlikka 
chulg'aguvchi abadiyat kayfiyati — bularning barchasi uchun «bog'» degan juda 
qisqa so'z bilan atalgan mo'jiza qoshida boshimni egib, undan bir umr 

---

34 
qarzdorligimni tan olaman. (Xurshid Davron)