O‘zbekiston respublikasi xalq ta’limi vazirligi jizzax viloyat xalq ta’limi xodimlarini qayta tayyorlash va ularning malakasini oshirish hududiy markazi

Pedagogik texnologiya bilan metodika orasidagi farq
Hozirgi kunda pedagogik texnologiya haqidagi aniq tushuncha va tasavvurlar birmuncha kamligi tufayli, uni xususiy metodikalar bilan deyarli tenglashtirish hollari uchraydi.Aslida esa ular orasida jiddiy farqlar mavjud bo`lib, quyida ular haqida qisqacha bayon qilinadi.
Pedagogik texnologiya – o`quvchini mustaqil o`qishga, bilim olishga, fikrlashga o`rgatishni kafolatlaydigan jarayondir.
Metodika – o`qituvchining bilimi, ko`nikmasi mahorati, shaxsiy sifatlari, temperamentiga bog`liq bo`lib, ma'lum shaxs o`qituvchi uchun qulay bo`lgan o`qitish usullari va yo`llari majmuadir. U alohida metodikalarga ajratiladi. Pedagogika fani ma’lum o`quv fanlarini o`qitish qonuniyatlarini tadqiq qiladi. Masalan, tillar metodikasi, arifmetika metodikasi va shu kabilar.
Metodikaning pedagogik texnologiyadan farqini tushunish va amalda har ikkisidan unumli foydalana bilish talab etiladi.Ular orasidagi farqlar quyidagi jadvalda keltirilgan

Asosiy tushunchalar	Pedagogik texnologiya	Metodika
Ta'riflar	Pedagogik texnologiya insonga oldindan belgilangan maqsad bо‘yicha ta’limiy va tarbiyaviy ta’sir о‘tkazish faoliyatidan iborat	Metodika- Ta’limda о‘quv fanini о‘qitish hamda tarbiyaviy ishlar qonuniyatlarini tadqiq etiladi
Maqsad	Komil insonni shakllantirish	Alohida о‘quv fanlarini о‘qitish va tarbiyaviy ishlarni sifatli bо‘lishini ta’minlash
Qо‘llash miqiyosida	Barcha ta’lim- tarbiya jarayonida	Xususiy fanlarni о‘qitishda hamda tarbiyaviy ishlarda
Vositalar	Barcha ta’limiy va tarbiyaviy vositalar xususiy metoldikalar	Alohida о‘quv fanlarini о‘qitishda hamda tarbiyaviy ishda qо‘llaniladigan vositalar
Pedagogik jarayon	Ta’lim-tarbiya texnologiyasi asosida ta’lim menejmenti va marketing asosida ta’lim- tarbiya sohasidagi ilg‘or tajribalarni umumlashtiruvchi loyihalar asosida о‘zlashtirib boradi. Yetarli tayyorgarlikka ega mutaxassislar tamonidan qо‘llanganida о‘zaro о‘xshash natijalar olinishi ta’minlanadi.	Ta’lim-tarbiya metodikasi asosida ijodkor о‘qituvchilarning ilg‘or tajribalariga tayanib rivojlanadi. Xususiy tajribalar asosida boyitib boriladi. Pedagogik texnologiyaning tarkibiy qismi hisoblanadi har qanday pedagogning natijasi har xil bо‘ladi.
Natija kafolati	Oldindan erishish kafolati bor	Oldindan belgilangan maqsadga har bir о‘qituvchi о‘z imkoniyatlariga muvofiq darajada erishadi. Shu sabab darajasidagi natija kafolatlanmaydi. Asosan ijodkor о‘qituvchilargina natijalarga erishadilar
Kelib chiqishi	Xususiy metodikaning rivojlanishi natijasida kelib chiqqan	Ta’lim-tarbiyaning turli xususiy masalalarini hal qilish zarurati natijasida vujudga kelgan

Ushbu farqlar yuzasidan quyidagi fikrni eslash mumkin: ”Aslida zamonaviy ta’lim metodlari muqaddas qiziquvchanlikni hozircha batamom bo`g`ib tashlamagani deyarli mo`jiza, chunki bu nozik nihol ( ya’ni qiziquvchanlik) rag`batlantirish bilan bir qatorda, eng avvalo, erkinlikni talab qiladi, yo`qsa, u shaksiz, mahv bo`ladi”. ( A.Eynshteyn).

Bu yerda ta’lim metodlari qiziquvchanlikka yetarlicha erkinlik bera olmasligi nazarda tutilmoqda. Pedagogik texnologiya esa bolaning qiziquvchanligini har tomonlama rivojlantirishga qaratilgan.
“Pedagogik texnologiya”tushunchasi xususiy fanlar va mahalliy darajalardagi o`qitish metodikalari tushunchasu bilan mos keladigan hollar xususiy darajadagi pedagogik texnologiyalarga tegishli. Ular orasida faqat asosiy e’tiborni nimaga qaratilishida farqlar mavjud.
Texnologiyalarda ko`proq prossesual, miqdoriy va hisob-kitob komponentlari ifodalansa, metodikalarda maqsad, mazmun, sifat va variantli yo`naltiruvchi tomonlari ko`proq ifodalanadi. Texnologiya metodikalardan o`zining qayta tiklanuvchanligi, natijalarining turg`unligi, ko`plab “agar”lar(agar o`qituvchi iste’dodli, agar bolalar qobiliyatli bo`lsa, agar yaxshi ota-onalar bo`lsa….) yo`qligi bilan farq qiladi.Ya’ni texnologiya tegishli tayyorgarlikka ega bo`lgan hamma mutaxasislar tomonidan qayta tiklash va qo`llash mumkinligi bilan juda ham individual bo`lgan metoddan farq qiladi.