O‘zbekiston respublikasi xalq ta’limi vazirligi a. Avloniy nomidagi pedagoglarni kasbiy rivojlantirish va yangi metodikalarga o‘rgatish milliy-tadqiqot instituti

Mavzuning dolzarbligi Tarix va ijtimoiy hayot tamoyillari shuni ko‘rsatmoqdaki, jamiyatning har tomonlama rivojlanishi va unda yuksak darajadagi hayot, turmush tarzining qaror toptirilishi, avvalo har bir faoliyat ko‘rsatuvchi shaxsdagi o‘ziga xos psixologik salohiyatning ne chog‘lik to‘la-to‘kis namoyon etilayotganligi bilan belgilanadi. Zero, har bir mamlakatning porloq kelajagini odamlardagi ijodiy, intellektual va ma’naviy taraqqiyot yo‘liga xizmat qiluvchi davlat mexanizmisiz tasavvur qilib bo‘lmaydi. Shu bosdan bo‘lsa kerak, hozirgi kunda barcha rivojlangan va rivojlanish yo‘lidan borayotgan mamlakatlar birinchi galda o‘z fuqarolarining ma’naviy va intellektual, jismoniy va ruhiy barkamolligiga va undan ijtimoiy manfaatlar uchun samarali foydalanish yo‘llarini izlashga jiddiy e’tiborni qaratmoqdalar. Shu nuqtai nazardan,har bir mamlakatda inson va uning faoliyati o‘rtasidagi uyg‘unlikni ta’minlashga qaratilgan ijtimoiy-psixologik xizmat tizimining joriy etilishi alohida ahamiyat kasb etadi. Qolaversa, "Ma’naviyat va ma’rifat jamoatchilik
Markazi faoliyatini yanada takomillashtirish va samaradorligini oshirish to‘g‘risida"gi farmoyishi orqali qat’iy ta’kidlanganidek, bugungi kunda "odamlarning o‘zliklarini chuqur anglashini, mustaqillikning qadrini tobora teran tushunishni, milliy tafakkurning kengayishi va takomillashuvini, tarixiy hurlik, mustaqillik ruhining uyg‘onishini ta’minlash ma’naviyat sohasidagi siyosatimizningasosiy maqsadiga aylanishi lozim.Shu nuqtai nazardan kelib chiqqan holda shaxs shakllanishining eng asosiy davrlaridan bo‘lgan maktabgacha tarbiya yoshida rivojlantiruvchi va korreksion tadbirlarni amalgam oshirish dolzarb vazifa bo‘lib qoladi.
Muammoning o‘rganilganlik darajasi. Maktabgacha tarbiya yoshi xususiyatlari va ularda rivojlantiruvchi va korreksion tadbirlar xususida juda ko‘plab tadqiqotlar o‘tkazilgan Jumladan: B.G. Ananev, V A Krutetskiy, V.E. Chudnovskiy, Kazakov V.G. M.G Davletshin, V Karimova, E G’oziev, K. K. Platonov, M.G Davletshin, M. Vohidov, E. Iskandarov, O‘.Otavalieva, Q. Daminov, R Sunnatova, Z.T.Nishonova, Sh.R.Baratov, G.Sog’inov va boshqa olimlarning tadqiqotlarida maktabgacha tarbiya yoshi davriga xos xususiyatlarning u yoki bu qirralari muayyan darajada ochib berilgan
Ammo zamonaviy psixologiyada aynan ushbu muammo ustida tadqiqotlar olib borgan mutaxassislar juda ozchilikni tashkil etadi.