O’zbekiston respublikasi veterinariya va chorvachilikni rivojlantirish qo’mitasi samarqand veterinariya meditsinasi instituti veteriariya jarrohligi kafedrasi operativ xirurgiya va anesteziologiya fanidan

a) Kurak yelka mintaqasi (regio scapulohumenaris).
Yuqorigi chegarasi – kurak suyagining yuqorigi va o’rta qismi; oldingi chegarasi – kurak suyagining oldingi qirrasi; muskul Bilan qoplangan kurak – yelka bo’g’imi va yelka suyagi; pastki chegarasi – gorizontal holatda tirsak o’simtasi; orqa chegarasi – tirsak liniyasidir. Bu qismda kurak va yelka suyaklari, suyak o’simtalari, muskullar, yelkaning kata dumboq tarog’i, deltasimon g’adir budirliklarni ko’rish va aniqlash mumkin.


b) Bilak suyagi va tirsak bo’g’imi (regio cubitalis etante brachialis).
Yuqorgi chegarasi – gorizontal holatda tirsak o’simtasi, pastdan – bilakning distal (pastki) suyak qismi bog’lamlaridir.
Otlarda bilak-tirsak suyagining ichki medial teri yuzasida mug’uzlangan qatlam – kashtan bo’ladi. Tirsak do’ngligining uchidagi yuza fassiyada teri osti sinovial yostiqcha bo’lib, it va otlarda ko’p shikastlanib, yallig’lanish chaqiradi. Itlarda ichki yuza dorsal qism yuza fassiyasi ostida bilakning teri osti venasi bo’rtib chiqqan.
Bilakning volyar yuzasida chuqur fassiya qalinlashib bilak muskulini o’rab, birgalikda ikkiga kata fassial g’ilof hosil qilib, undan qon tomir, nervlar o’tib, bukuvchi muskullar uchun palmar, yozuvchi muskullar uchun darsal deyiladi. Qon Bilan ta’minlanishi – o’rta, tirsakning kollateral va bilak arteriyasi orqali, qo’ltiq osti, o’rta, tirsak, bilak vat yeri-muskul nerv tolalari innervasiya qiladi.


v) Bilaguzuk bo’g’imi (region carpica).
Yuqori chegarasi – bilak suyagi va tirsak bo’g’imining pastki chegarasi bilan, pastki – kaft suyagining yuqorigi yo’g’onlashgan qismi bilan chegaralanadi. Lateropalmar yuzada bilaguzukning qo’shimcha suyagi turtib turadi. Qoramollarda yuza fassiya ostida perekarpal sinovial yostiqcha (sumka) bo’ladi. Bilaguzukning chuqur fassiya yo’g’on, mahkam varaqdan iborat bo’lib, pay, pay qinlari, qon tomi rva nerv tutamlari uchun yettita biriktiruvchi to’qimali kanal hosil qiladi (S.I. Sadovskiy). Eng kata kanal bilaguzuk bo’g’imining orqa yuzasida bo’lib, palmar deyiladi. Unda bilaguzukning umumiy pay qini Bilan, barmoqlarni bukuvchi yuza va chuqur paylari, hayvon turiga qarab o’rta yoki tirsak nervi, qon tomir joylashadi.
Bilaguzuk bo’g’imi bir qancha mayda – qisqa suyaklardan tuzilgan bo’lib, uch qator joylashib uchta bo’g’imni hosil qiladi:

1. 
   Bilak – bilaguzuk bo’g’imi, harakatchan;
   
2. 
   Bilaguzuk oraliq bo’g’im, kam harakatchan;
   
3. 
   Bilaguzuk – kaft bo’g’imi, kam harakatchan
   

bo’lib uchta bo’g’im bo’shlig’ini hosil qiladi va bir-biri Bilan birikadi.
Bilak-bilaguzuk bo’g’imi keng palmar keglikka ega bo’lib, sinovial qavatga qo’shilib ketadi va bo’rtib turadi. Bu qism ot va qoramollarda bilak va tirsak kollateral arteriyasi qoni Bilan ta’minlanadi.
O’rta, tirsak, teri-muskul nervlari bilan, it va cho’chqalarda qo’shimcha bilak nervi innervasiya qiladi.