O'zbekiston respublikasi

3. Milliy g‘oya fanini o‘qitish metodikasining boshqa fanlar bilan bog‘liqligi

Milliy g‘oya fanini o‘qitish metodikasi kursini o‘tish jarayonida barcha ijtimoiy-gumanitar xususan, pedagogika, psixologiya, falsafa, tarix, iqtisod, siyosat, adabiyot va boshqa fanlar bilan bog‘lab o‘tish mumkin. Bu fanlarning qanday g‘oyaga asoslanishi, ularni o‘qitish asosida yoshlar ongi va ishonchiga, qalbiga qanday g‘oyalar singdirilishi har qanday jamiyat uchun muhim va ahamiyatlidir. Umumbashariy prinsiplarga tayanish va uni e’tirof etish qoidasi fanlarning rivoji uchun keng imkoniyat beradi. Ikkinchidan, har bir fan yo‘nalishlari (sohalari) orqali milliy istiqlol g‘oyasi negizlarini bilib olish mumkin. Masalan, milliy g‘oyaning tarixiy negizlarini - tarix orqali, falsafiy jihatlarini - falsafa, iqtisodiy asoslarini - iqtisod, diniy asoslarini - dinshunoslik, adabiyot va san’at bilan bog‘liq tomonlarini o‘rganish orqali milliy g‘oya kishilarning ishonch va e’tiqodiga aylanib boradi.