O‘zbekisтon respublikasi

Imtiyozli pensiya ta’minoti huquqiga ega ekanligini aniqlash uchun zarur hujjatlar ro‘yxati: korxonada attestatsiya komissiyasini tashkil qilish to‘g‘risidagi buyruq; ish o‘rinlaridagi ishlab chiqarish muhiti mehnat sharoitini zararlilik va xavflilik darajasi bo‘yicha baholash xaritasi (3.2 – ilova); korxonadagi ish o‘rinlari va ularda mehnat sharoiti bo‘yicha o‘tkazilgan attestatsiya natijalari
yig‘ma vedomosti (3.6 – ilova); ma’lum kasbdagi mehnat sharoitlari to‘g‘risida tushuntirish xati; attestatsiya komissiyasi majlisi bayonnomasi.
Laboratoriya tekshiruvlarining birlamchi ma’lumotlar hujjatlari, zarur hollarda, talab qilib olinishi mumkin.
Attestatsiya natijalari qarab chiqilgan hujjatlar korxona rahbari va kasaba uyushmasi (yoki mehnatkashlarning boshqa vakillik organi) rahbari imzosi bilan imtiyozli pensiya ta’minoti huquqiga ega ekanlikni tasdiqlash uchun Mehnat va aholini ijtimoiy muhofaza qilish hududiy Bosh boshqarmasiga yuboriladi.

4. Mehnatni muhofaza qilish bo‘yicha tadbirlar turlari va ularni ishlab chiqish tartibi

   1. Mehnat muhofazasi bo‘yicha tadbirlarning turlari

Mehnatni muhofaza qilish bo‘yicha barcha ishlar, har qanday murakkab ishga o‘xshab, oldindan tuzilgan reja asosida olib borilishi lozim. Asosiy maqsad nomenklaturaviy chora-tadbirlarning rejasini ishlab chiqishdir. Chunki, nomenklaturaviy chora-tadbirlar korxona jamoasi va ma’muriyati tomonidan o‘zaro kelishuv asosida tasdiqlanishi kerak [12, 27].

Mehnat muhofazasiga oid tadbirlar korxonada mehnat muhofazasi bo‘yicha tadbirlar nomenklaturasining yillik plani asosida o‘tkaziladi, bu tadbirlar kelgusi yilning jamoa shartnomasiga ma’muriyat bilan kasaba uyushmasi o‘rtasidagi alohida kelishuv tarzida kiritiladi. Jamoa shartnomasi tuzilmaydigan korxonalarda mehnat muhofazasi yuzasidan mustaqil shartnoma tuziladi.
Korxonaning yillik ishlab chiqarish-moliya rejalarida bu maqsadlar uchun quyidagi mablag‘ ajratmalari ko‘zda tutiladi:

• 
  mehnat muhofazasini takomillashtirish uchun qilinadigan xarajatlar kapital xarajatlar hisoblanganda kapital qo‘yilmalarning mablag‘ bilan ta’minlanish manbalari, hamda xo‘jalikni mustahkamlash va kengaytirish fondi hisobiga;
  
• 
  tadbirlar korxonaning asosiy vositalarini kapital remont qilish doirasida amalga oshirilganda amortizatsiya fondi hisobiga;
  
• 
  xarajatlar kapital xarakterda bo‘lmasa, joriy xarajatlar smetasida ko‘zda tutilgan mablag‘lar hisobiga;
  
• 
  nomenklaturaviy tadbirlar yangi texnikani joriy qilish yoki ishlab chiqarishni kengaytirish yuzasidan qilinadigan xarajatlarga, bank beradigan kredit xarajatlar kompleksiga kirsa, bank krediti hisobiga.
  

Shartnomaga birinchi navbatda mehnat sharoitini yaxshilashga qaratilgan tadbirlargina kiritiladi, ishlab chiqarish zarurati taqozo qiladigan va mehnat sharoitini shunchaki yaxshilaydigan tadbirlar esa kiritilmaydi. Ular tashkiliy- texnikaviy tadbirlar planiga kiritilib, kollektiv shartnomasiga qo‘shib qo‘yiladi.

2.