O‘zbekisтon respublikasi

Mehnat muhofazasi bo‘yicha nomenklaturaviy tadbirlar tarkibi va ularni tuzish tartibi

Mehnat muhofazasi bo‘yicha chora-tadbirlarni rejalashtirishdan maqsad ishlovchilar uchun mehnat sharoitlarini mehnat xavfsizligi qoidalari, me’yorlari, standartlar, nazorat va boshqaruv organlarining qarorlari va talablari darajasiga keltirishni amalga oshirishdir.

Karxonaning mehnatni muhofaza qilish chora-tadbirlarining istiqboldagi va yillik rejalarini ishlab chiqishda, birinchi navbatda, xonalar havosi va yuzalarning chang bosganligini, havoning zaharli gazlar bilan ifloslanganligini, titrashni va shovqinni, boshqa xavfli va zararli ishlab chiqarish omillarini, yong‘in-portlash xavfini, og‘ir qo‘l mehnatini kamaytirish yoki umuman bartaraf etishni talab qiladigan ishlab chiqarishlar, bo‘limlar, obyektlar, texnologik jarayonlar aniqlanadi. Shuningdek, zararli ishlab chiqarishlarda va og‘ir ishlarda band bo‘lgan ishchilar (ayniqsa xotin-qizlar) sonini kamaytirish, mehnatning xavfsizroq shart- sharoitlarini yaratishga doir chora-tadbirlar mo‘ljallanadi.
Nomenklaturaviy chora-tadbirlar qo‘zlangan maqsadi bo‘yicha quyidagicha guruhlanishi mumkin [11, 26, 35, 36]:

• 
  jarohatlanishlarning oldini olish bo‘yicha: asbob-uskunalar, moslamalar va jihozlarni ishlatish xavfsiz bo‘lishi uchun takomillashtirish, jumladan, qo‘shimcha to‘siqlar, blokirovka qurilmalari, signal berish vositalarini
  

qurish, xavfsizlik sharoitlarini nazorat qiladigan asbob-uskunalar sotib olish, turli favqulodda holatlar sodir bo‘lishining oldini oluvchi himoya vositalarini o‘rnatish, odamlarni tashishda xavfsizlikni oshirish uchun transport vositalarini jihozlash, og‘ir yoki sog‘liq uchun zararli ishlarni mexanizatsiyalashtirish va avtomatlashtirish; ish joylarida ishlayotgan barcha mashina va mexanizmlarning sozligi va texnikaviy holati ustidan qat’iy nazorat qilib borish hamda ularni belgilangan vaqtlarda sinovlardan o‘tkazish; sodir bo‘lgan baxtsiz hodisalar yana takrorlanmasligi uchun ularni tahlil qilib borish; texnika xavfsizligi holati ustidan uch bosqichli ma’muriy- jamoat nazoratini doimiy ravishda olib borish; xavfsiz mehnat sharoitini ta’minlaydigan yangi moslama va vositalar ishlab chiqish; elektr qurilmalari va jihozlarining yerga ulanganligini tekshirib borish; ishchilarni maxsus kiyim boshlar va shaxsiy himoya vositalari bilan ta’minlash, ulardan foydalanish darajasini nazorat qilib borish; ishchilar va injener-texnik xodimlarni texnika xavfsizligi bo‘yicha qo‘llanmalar bilan ta’minlab borish;

•