O‘zbekisтon respublikasi

Ish o‘rinlarida attestatsiya o‘tkazishni tashkillashtirish. Attestatsiya o‘tkazishni tashkillashtirish va o‘tkazish bo‘yicha korxona rahbari buyruq chiqaradi. Buyruqda doimiy faoliyat ko‘rsatuvchi attestatsiya komissiyasi tarkibi ko‘rsatiladi va uning vazifalari belgilanadi. Zarur hollarda sexlar (strukturaviy bo‘limlar) attestatsiya komissiyalari tarkibi ham ko‘rsatilishi mumkin. Doimiy faoliyat ko‘rsatuvchi attestatsiya komissiyasi tarkibiga bosh injenerni, mehnat muhofazasi xizmati, kadrlar bo‘limi, mehnat va maosh bo‘limi, hamda korxonaning sanitar-gigiyenik yoki texnologik laboratoriyasi vakillarini kiritish tavsiya etiladi. Ish o‘rinlarini attestatsiya qilishning umumiy muddatlari va ishlash grafigi belgilanadi.
Doimiy faoliyat ko‘rsatuvchi attestatsiya komissiyasi quyidagi ishlarni bajaradi:

• 
  ish o‘rinlarini attestatsiya qilishning tashkiliy va metodologik ishlarini amalga oshiradi; kerakli huquqiy, me’yoriy va boshqa ma’lumotiy bazani shakllantiradi va ularning attestatsiyada qatnashuvchi mutaxassislar tomonidan o‘rganilishini tashkil qiladi;
  
• 
  attestatsiya o‘tkazish uchun kerakli tashkilotlarni aniqlaydi va ularni belgilangan qoidaga asosan ishga jalb qiladi;
  
• 
  attestatsiyadan o‘tkaziladigan ish o‘rinlari ro‘yxatini tuzadi, ularga tartib raqamlari beradi, ish o‘rinlari chegaralarini belgilaydi;
  
• 
  ishlab chiqarish muhiti zararli va xavfli omillarini o‘rganishning kerakli hajmini belgilaydi;
  
• 
  ish o‘rinlarini egallagan shaxslar kasblari va lavozimlari bajariladigan ish xarakteriga mos kelishi yoki kelmasligini “Asosiy ishchi kasblari va xodimlar lavozimlari klassifikatori”ga asosan aniqlaydi; agarda, bajariladigan ish tarkibi va mohiyati klassifikatorda berilganga mos kelmasa kasb (lavozim) amalda bajariladigan ishga moslashtiriladi.
  

Ish o‘rinlarida attestatsiya o‘tkazish tartibi. Asbob-uskunalar yordamida ishlab chiqarishdagi omillarning mavjud darajalari, kattaliklari

(miqdorlari) aniqlanadi. Olingan miqdorlar “№
sharoiti xaritasi”ga kiritiladi (3.1 – ilova).
ish o‘rnidagi mehnat

Ish o‘rnidagi mehnat sharoiti xaritasini to‘ldirish metodikasi quyidagilardan iborat (3.1 – ilova):

• 
  jadvalda keltirilgan barcha ishlab chiqarish omillari bo‘yicha o‘lchashlar o‘tkaziladi, natijalar jadvalga kiritiladi;
  
• 
  agarda ish o‘rnida jadvalga kirmagan omillar mavjud bo‘lsa, ular qo‘shimcha ravishda yoziladi;
  
• 
  jadvalning 2 - ustuniga “Mehnatning gigiyenik klassifikatori”, “Sanitar me’yorlar, qoidalar va gigiyenik me’yorlar” va standartlar ma’lumotlari kiritiladi;
  
• 
  jadvalning 3 - ustuniga asbob-uskunalar bilan o‘lchab aniqlangan miqdorlar kiritiladi;
  
• 
  jadvalning 4-ustuni “Mehnat sharoitlarining gigiyenik klassifikatori” bo‘yicha to‘ldiriladi;
  
• 
  jadvalning 5-ustuni ishlab chiqarish omilining ta’sir etish vaqtini aniqlash bo‘yicha o‘tkazilgan xronometrik o‘lchashlarga asosan to‘ldiriladi (to‘la ish kuniga nisbatan foiz hisobida) . Ish vaqtining 80 % kam bo‘lmagan qismini ish o‘rnida attestatsiya o‘tkazgan vaqtdagi shart - sharoitlarda ish bajarish bilan o‘tkazishga to‘la ish kuni deyiladi.