O`zbеkistоn rеspublikasi

Turistlarga xizmat ko‘rsatishda umumiy ovqatlanish korxonalari holati.
Hozirgi kunda insonlarning turistik sayohatlar, bo‘sh vaqtini samarali o‘tkazish, sog‘ligini tiklash, dunyoni bilish kabi talablarni qondirish jarayonida ularning ovqatlanishga har doim ehtiyoji borligini hisobga olgan holda, turizm industriyasida ovqatlanish korxonalari tomonidan ko‘rsatiladigan xizmatlarni jahon andozalari talabi darajasiga yetkazishga zarurat sezilmoqda.Turistlarga xizmat ko‘rsatishda turistlarning ovqatga bo‘lgan ehtiyojini qondirishda ovqatlanish korxonalari mahsulotlari va xizmatlari muhim ahamiyatga ega. Ovqatlantirish xizmati deganda aholining oziq-ovqatlar, taomlar iste’moliga qaratilgan ehtiyojlarini qondirishga yo‘natirilgan ovqatlantirish korxonalari va yakka tadbirkorlarning faoliyati tushuniladi. O‘zbekistonda turizmni rivojlantirish maqsadida sayyohlarga xizmat ko‘rsatish tizimini kengaytirish va ular uchun barcha sharoitlarni yaratish maqsadida yangi turistik komplekslar, mehmonxonalar, kempinglar, restoranlar, barlar, transport sohalari uchun katta mablag‘lar ajratilmoqda. Bunday sur’atda turizmni rivojlantirish albatta ovqatlantirish xizmatini ham rivojlanishini taqoza etadi, chunki barcha turistlar goh ichki turist bo‘lsin, goh tashqaridan kelsin, ulardan qat’iy nazar restoran xo‘jaligiga yoki ovqatlanish tarmog‘idan foydalanishga majbur. Aks holda insonlar ovqatlanish uchun barcha mahsulotlarni o‘zlari bilan olib yurishi kerak yoki uy sharoitlarida tayyorlab, iste’mol qilishi kerak. Ammo turistlarda bunday imkoniyatlar yo‘q, shuning uchun ham ular ovqatlanishdan foydalanishga majburdir va mana shu holatlarning mavjud bo‘lishi turizm umumiy ovqatlanishni uyg‘un holda rivojlanishi uchun imkon beradi. Shuning uchun ham turizmda asosiy xizmat turlaridan birini ovqatlantirish xizmati hisoblanadi. Turizmda umumiy ovqatlanish korxonalari turistlar uchun pazandalik mahsulotlarini tayyorlaydigan va ularni mijozlarga yetkazib berishni tashkil etadigan joy bo‘lib hisoblanadi. Ovqatlanish korxonalari ularda tayyorlanadigan ovqatlar assortimenti va ko‘rsatiladligan xizmatlariga qarab bir necha turlarga ajraladi;