O'zbekiston respublikasi turizm va sport vazirligi

2.3. Har tomonlama uyg‘un shaxsni shakllantirishda jismoniy tarbiya va sportning о‘rni

Jismoniy tarbiya inson umumiy madaniyatining bir qismi bо‘lib, u inson salomatligi va jismoniy kamolotining maxsus vositalarini yaratish va foydalanish ishida jamiyat erishgan muvaffaqiyatlarning yig‘indisidir.

Jismoniy tarbiya eng muhim yakuniy bosqichi sifatida talaba-yoshlarni komil inson qilib tarbiyalashga hissa qо‘shadigan pedagogik tadbirlarning alohida, о‘ziga xos majmuidir. Jismoniy tarbiya pedagogika fanining mutaxassislashtirilgan bir bо‘limi sifatida vujudga kelgan va bugungi kunda zamonamizdagi barcha fanlarning ma’lumotlaridan foydalanadigan alohida, markaziy fanlardan biriga aylangan. Jismoniy tarbiya fani komil insonni tarbiyalashdek muhim ijtimoiy-pedagogik vazifalarni bajarar ekan, uning barkamol shaxsni shakllantirishdagi imkoniyatlari kundan-kunga, yanada ortib bormoqda.

Jismoniy tarbiya va sport mashg‘ulotlari jarayonida aqliy, axloqiy, vatanparvarlik, mehnat, iqtisodiy, tibbiy, g‘oyaviy-siyosiy, estetik va tarbiyaning boshqa turlarini samarali amalga oshirish mumkin. Bunda jismoniy tarbiya va sportning shaxsni shakllantirishga ijobiy ta’siri о‘ziga xos bо‘lib, uni boshqa hech qanday vositalar bilan almashtirib yoki о‘rnini bosib bо‘lmaydi. U ijtimoiy vazifalarni bajarishga qodir, har tomonlama yetuk, mehnatsevar shaxsni, fuqaroni shakllantirshga yordam beradi.

Jismoniy tarbiya va sport mashg‘ulotlari jarayonida talaba-yoshlarni g‘oyaviy tarbiyalash, ularda faol ilmiy dunyoqarashni, g‘oyaviy ishonchni, vatanparvarlik va millatlararo totuvlikni, yuksak fuqarolik hissini, о‘z xulqiga mas’uliyat, о‘zini tutish, mehnatga, о‘qishga, jamoaga va oilasiga chuqur mas’uliyat bilan yondoshish, о‘zaro tushunish va boshqa insoniy fazilatlarni shakllantirishga yо‘naltiriladi.