O’zbekiston respublikasi transport vazirligi toshkent davlat transport universiteti

3. Bitiruv malakaviy ishiga
rahbarlik, uni bajarilishi va nazorat qilinishi
Bitiruv malakaviy ishlarga rahbarlar ushbu oliy ta’lim muassasasining professor va dotsentlari yoki ilmiy xodimlari, boshqa muassasa va korxona-larning yuqori malakali mutaxassislari safidan tayinlanadi.
Bitiruv malakaviy ishining rahbari vazifalari quyidagilardan iborat: topshiriq berish; bitiruv malakaviy ishining bajarish rejasini tuzish; sohaga oid asosiy adabiyotlar, ma’lumot va arxiv materiallarini hamda mavzu bo’yicha boshqa manbalarni tavsiya etish; talaba bilan muntazam ravishda konsultatsiyalar o’tkazish; bitiruv malakaviy ishining bajarilish jarayonini nazorat etish; talaba bajargan bitiruv malakaviy ishining sifati va mualliflikka amal qilinganini aniqlash, mavzularning qaytarilishiga yoki boshqa manba-lardan aynan ko’chirilishiga (plagiatga) yo’l qo’ymaslik; bitiruv malakaviy ishining dastlabki himoya sanasidan 3 kun oldin yozma fikirnoma berish.
Bitiruv malakaviy ish rahbarning taklifiga binoan, kafedra malakaviy ishiga rahbarlik qilishga ajratilgan vaqt budjeti hisobidan ishning ayrim bo’limlari bo’yicha maslahatlarni taklif etishi mumkin.
Malakaviy ishga maslahatchilar etib, institut professorlari, dotsentlari, katta o’qituvchilari, ilmiy tadqiqot muassasalarining ilmiy xodimlari hamda boshqa muassasa va korxonalarning yuqori malakali mutaxassislari tayinla-nishi mumkin. Maslahatchilar talaba bajargan malakaviy ishning muvofiq qismini tekshiradi, tegishli ko’rsatmalar beradi va uning sifatiga javob beradi.
Bitiruv malakaviy ish berilgan topshiriq asosida shaxsan talaba tomoni-dan bajariladi. Talaba – ish muallifi, tanlangan qarorning to’g’riligiga va uning topshiriqqa muvofiqligiga, bitiruv malakaviy ishda ko’chirmachilik holatini yo’qligiga javob beradi.
Bitiruv malakaviy ishni bajarishdan oldin talaba ishni bajarishning butun davri mobaynida alohida bosqichlar bajarilishi ketma-ketligi ko’rsatilgan kalendar-grafigini ishlab chiqishi va u rahbar tomonidan ma’qullangandan so’ng kafedra mudiriga tasdiqlash uchun taqdim etishi kerak. Odatda, yshbu kalendar-grafig topshiriq tarkibiga kiritiladi.
Bitiruv malakaviy ish oliy ta’lim muassasasining, odatda, ushbu maq-sadda maxsus ajratilgan xonalarda bajariladi. Ayrim hollarda, bitiruv malaka-viy ish korxonalar, muassasalar, ilmiy, loyihalash va boshqa muassasalarda bajarilishi mumkin.
Malakaviy ishning bajarilishi bo’yicha talabaning hisobot berish mud-datlarini dekanat nazorat etadi. Fakultet dekani talabalarning malakaviy ishini bajarish bo’yicha davriy hisobotlarni qabul qilish muddatlarini belgilaydi. Dekan tomonidan o’rnatilgan muddatlarda talaba malakaviy ishning tayyorlik darajasi yuzasidan ish rahbariga va kafedra mudiri oldida hisobot beradi, yani har bir bitiruvchi kesimida bitiruv malakaviy ishlarning bajarilish monitoringi tashkil etilib, uning bajarilish holati rahbarning haftalik hisobotlari asosida foizlarda aniqlab boriladi hamda bu haqda dekanga habar qilinadi.