O’zbekiston respublikasi transport vazirligi toshkent davlat transport universiteti

1. Bitiruv malakaviy ishini
bajarishning maqsad va vazifalari
Bitiruv malakaviy ishini bajarish oliy ta’lim muassasasi bakalavriatida talabalarni o‘qitishning yakuniy bosqichidir.
Bitiruv malakaviy ishini bajarishdan maqsad:

• 
  ta’lim bo’yicha nazariy va amaliy bilimlarni mustahkamlash va ken-gaytirish, olingan bilimlarni muayyan ilmiy, texnikaviy, ishlab chiqarish, iqtisodiy, ijtimoiy, madaniy vazifalarni hal etishda qo’llash;
  
• 
  ijodiy ishlash, hal etilayotgan masalaning (muammoning) qo’yilish jarayonidan boshlab, uni to‘la nihoyasiga yetkazish bo’yicha qaror qabul qilishda bo’lgan mas’uliyatni his etishga o’rgatish;
  
• 
  zamonaviy ishlab chiqarish, iqtisodiyot, texnika va madaniyatning rivojlanishi sharoitida talabalarni mustaqil ishlashga tayyorgarligini ta’min-lashdan iborat.
  

Bitiruv malakaviy ishining himoyasi va fanlararo yakuniy attestatsiya imtihoni bo‘yicha yakuniy davlat attestatsiyasi sinovlaridan muvaffaqiyatli o’tishga qarab Davlat attestatsiyasi komissiyasi qaroriga asosan bitiruvchiga bakalavr darajasi beriladi. Bitiruv malakaviy ishi bitiruvchi talaba tomonidan mustaqil ravishda, ma’lum sohasining muammolariga bag‘ishlangan izlanish-lar asosida bajariladi. Ishning mazmuni bitiruvchining yetukligi, mustaqil fikrlashi, o’z sohasining muammolari yechimida faol ishtirok eta olish qobili-yatini aks ettirishi zarur.


2. Bitiruv malakaviy ishlarning
mavzusi va ish rahbarini tayinlash
Bitiruv malakaviy ishlar mavzusi muammoning zamonaviy holatini va iqtisodiyot, ishlab chiqarish, texnika, texnologiya, ijtimoiy sohalar, fan va ta’limning istiqboliy rivojlanishini aks ettirishi hamda kadrlar buyurtmachila-rining talablarini hisobga olgan holda oliy ta’lim muassasasining bakalavrlar tayyorlovchi kafedrasi tomonidan belgilanadi. Mavzular oliy ta’lim muassasi yoki fakultetning Kengashi tomonidan tasdiqlanadi hamda har o’quv yili boshida qayta ko’rib chiqiladi.
Bitiruv ishi mavzulari ishlab chiqarish yoki ilmiy tadqiqot yo‘nalishida bo‘lishi ham mumkin. Bitiruv malakaviy ishlar mavzusining yillik ro’yxati bitiruv amaliyoti boshlanishiga qadar yoki bitiruv kursining boshida e’lon qilinadi.
Talabalarga (reytinglari bo’yicha kamayish tartibida) bitiruv malakaviy ishlarning mavzularini tanlash huquqi beriladi. Talaba yoki talabaning o’qishi uchun to’lov-kontrakt mablag’ini to’layotgan buyurtmachi zaruriy asoslar bilan bitiruv malakaviy ishlar mavzusi bo’yicha o’z variantlarini taklif etish-lari mumkin.
Bitiruv malakaviy ish mavzusi va rahbarni talabaga biriktirish kafedra-ning taqdimnomasi bo’yicha rektorning buyrug’i bilan rasmiylashtiriladi.
Ish rahbari, bitiruv malakaviy ishining mavzusiga muvofiq talabaga bitiruv malakaviy ishga tegishli materiallarni to’plash bo’yicha (jumladan, malakaviy va bitiruv oldi amaliyotlarini o’tkazish davrida ham) topshiriq beradi. Mazkur topshiriq bitiruv malakaviy ishini bajarish yuzasidan talaba-ning kelgusidagi ishlarini amalga oshirishda asos bo‘lib hizmat qiladi. Top-shiriq bitiruv malakaviy ish bilan birgalikda Davlat attestatsiya komissiyasiga taqdim etiladi.
Bitiruv ish umumkasbiy va ixtisoslik fanlarini o‘zlashtirganlik darajasi bo‘yicha to‘rtinchi kursda, shuningdek uning bajarilishi uchun ta’lim yo‘na-lishining Malaka talablarida belgilangan vaqt davomida bajariladi.