O‘zbekiston Respublikasi Sog‘liqni saqlash vazirligi Toshkent farmasevtika instituti

1.7.1 rasm Farmasevtik nazoratni tashkil etish
Farmasevtik tashkilotlarning rejali nazorati Bosh boshqarma boshlig‘i tomonidan tasdiqlangan, hamda Nazorat organlari faoliyatini muvofiqlash-tiruvchi Respublika Kengashi bilan kelishilgan reja-jadvalga muvofiq amalga oshiriladi. Rejali tekshiruv farmnazorat bo‘limi tomonidan o‘tkaziladi. Rejali nazorat 4 yilda 1 martadan ko‘p bo‘lmasligi va 15 kundan oshmasligi zarur.
Rejasiz nazorat farmasevtik tashkilotlarda biron-bir qonunbuzarlik xolati aniqlanganda o‘tkaziladi. O‘zbekiston Respublikasi Sog‘liqni saqlash vazirligining 2006 yil 21 iyundagi 277 - sonli buyrug‘ida “Dori vositalari va tibbiy texnika sifatini nazorat qilish Bosh boshqarmasi Farminspeksiyasi tomonidan Nazorat qiluvchi organlar faoliyatini muvofiqlashtiruvchi Respublika Kengashining ruxsatisiz farmasevtika faoliyati bilan shug‘ullanish uchup litsenziyaga ega bo‘lgan xo‘jalik yurituvchi sub’ektlarda dori vositalari va tibbiy buyumlarning sifati bilan bogliq nazoratni olib borish tartibi to‘g‘risida umumiy qoidalar qabul qilingan
Auditorlik faoliyati xaqida tushuncha. Auditorlik tekshiruvlari
Auditorlik faoliyati auditorlik tashkilotlarining auditorlik tekshiruvlarini o‘tkazish va boshqa shu kabi kasbiy xizmatlarni ko‘rsatish bo‘yicha tadbirkorlik faoliyati tushuniladi. Davlat xokimiyati va boshqaruvi idoralari tomonidan auditorlik faoliyatini amalga oshirish taqiqlanadi.
Auditor – malakaviy auditor sertifikatiga ega bo‘lgan jismoniy shaxs. Auditor auditorlik tashkilotining shtatlar ro‘yxatida bo‘lsa yoki auditorlk tashkiloti bilan fuqarolik-huquqiy xususiyatiga ega bo‘lgan shartnoma tuzilgan bo‘lsa auditorlik tekshiruvini o‘tkazishga jalb qilinishi mumkin. Auditor sifatsiz auditorlik tekshiruvini o‘tkazish, tijorat sirini oshkor etish va auditorlik tashkilotiga zarar yetkazgan boshqa hatti-xarakatlar uchun auditorlik tashkiloti oldida qonunchilikka muvofiq javobgardir.
Auditor yordamchisi - malakaviy auditor sertifikatiga ega bo‘lmagan va auditorning topshirig‘i bo‘yicha auditorlik tekshiruvida ishtirok etadigan jismoniy shaxs. U auditorlik hisobotini, auditorlik xulosasini, auditorning ekspert xulosasini va auditorlik tekshiruvini o‘tkazish bilan bog‘liq bo‘lgan boshqa rasmiy hujjatni imzolash huquqiga ega bo‘lmaydi.
Auditor yordamchisining ishlash shartlari qonunchilik bilan o‘rnatilgan tartibda tuzilgan mehnat shartnomasi bilan belgilanadi.
Auditor yordamchisi zimmasiga auditorlik tekshiruvini o‘tkazish vaqtida olingan ma’lumotlarni oshkor qilmaslik majburiyati yuklanadi. Uning auditor yordamchisi sifatida ishlash vaqti malakaviy auditor sertifikatini olish uchun zarur bo‘lgan ish stajiga qo‘shiladi²¹.