O’zbekiston respublikasi sog’liqni saqlash vazirligi sh. S. Shoyimova, M. K. Xoshimova, sh. R. Mirzayeva, M. M. Qo’ziboyeva ta’lim texnologiyalari

Mahorat – o’zlashtirilgan bilimlar va hayotiy tajribalar asosida barcha kasbiy amaliy harakatlarni kam kuch va kam vaqt sarflab bajarish.
Mediapedagog – zamonaviy axborot texnologiyalari yordamida
mediata’limni amalga oshirish bo’yichakompetensiyaga ega o’qituvchi.
Mediata’lim – ta’lim oluvchilar tomonidan ommaviy axborot vositalari – matbuot, televidenie, radio, internet, adabiyot, san’at, kino, teatr ma’lumotlarini o’zlashtirish, tahlil qilish va bilim olishga asoslanadi.
Mentor – ustoz, tarbiyachi, o’qituvchi(yakka va guruhli tartibda). Metod – grekcha so’z bo’lib, “yo’l”, “usul”, “axloq” ma’nolarini bildiradi. Tabiiy va ijtimoiy hayot hodisalarini bilish, tadqiq qilish faoliyati, harakat yo’li, usuli, uslubi, tarzi yoki qiyofasi, shakli,
ko’rinishi.
Metodist – ta’lim-tarbiya metodlari bo’yichamutaxassis. Dasturlar, metodikalarni ishlab chiqish va amalga oshirish jarayonida metodik maslahat beruvchi shaxs.
Metodik – metodikaga tegishli, qat’iy ketma-ketlikka, oldindan ishlab chiqilgan rejaga, tizimga aniq rioya qilish.
Metodika – biror jarayon yoki faoliyatni maqsadga muvofiq amalga oshirish metodlari, yo’llari majmuasi, ma’lum o’quvpredmetini o’qitishqonuniyatlari.
Metodologiya – bilishning ilmiy metodi haqidagi, biror fanda qo’llaniladigan metodlar majmuasiga oid ta’limot.
Moderator – ta’lim mazmunini yaratuvchisi, modullarni ishlab chiquvchi shaxs.
Moderator – ma’muriy huquqga ega bo’lgan forum ta’limi qatnashchisi, boshqaruvchi, maslahatchi, yo’naltiruvchi, faollashtiruvchi, ta’lim uchun sharoit yaratuvchi.
Modul – pedagogik texnologiyani o’z ichiga olgan tarkibiy qism bo’lib, o’quvmateriali mazmuni hamda dars jarayoni modullaridan tashkil topadi.
Monitoring – korxona, tashkilot, muassasa holatini har tomonlama baholash hamda uning faoliyati sifatini va samaradorligini oshirish maqsadida tashxis qilingan maxsus tizimli kuzatuv-tahlil. Me’yoriy hujjatlar, buyruq va qarorlar, dastur yoki standartlar, ta’lim-tarbiya usullarining qanday sifat hamda darajada amalga oshirilayotganligini
kuzatuv tizimi. Ta’lim sohasidagi monitoring – pedagogik kategoriya bo’lib, o’quvjarayoni sifati va uni boshqarishning uzluksiz kuzatuvini olib borish. Monitoring natijasida olingan axborotlar tahlili asosida mazkur sohadagi boshqaruv faoliyatini tartibga solib borish, pedagogik jarayon va uni boshqarishdagi kamchiliklarni bartaraf qilish, samaradorligini oshirish chora-tadbirlarini ilmiy asoslangan holda belgilash imkoniyati hosil bo’ladi. Axborotlar tahlili va xulosalar asosida ta’lim muassasasi, o’qituvchifaoliyatiga tuzatish hamda o’zgarishlar kiritib boriladi.
Motiv – lotincha so’z bo’lib, “turtki”, “harakatga keltiruvchi, undovchi kuch”, “sabab”, “xohish”, “mayl” kabi ma’nolarni bildiradi, shaxsning o’z ehtiyojlarini qondirish uchun ichki uyg’onishi, maqsadiga erishish uchun aniq maqsad sari intilishi.