O’zbekiston respublikasi sog’liqni saqlash vazirligi sh. S. Shoyimova, M. K. Xoshimova, sh. R. Mirzayeva, M. M. Qo’ziboyeva ta’lim texnologiyalari

Inson toifalari – ma’lumotlarni qabul qilish, tushunish va xotirasida saqlab qolishi bo’yichaquyidagi toifalarga bo’linadilar:

1. 
   Audial – ma’lumotlarni qayta ishlash tizimida eshitish ustunlik qiladi (ovoz, nutq, ritm, tembr, musiqa), eshitish orqali yaxshi qabul qiladi va eslab qoladi.
   
2. 
   Vizual – ma’lumotlarni qayta ishlash tizimida ko’rish ustunlik qiladi (shakl, ko’rinish, rang, joylashuv), ko’rish orqali yaxshi qabul qiladi va eslab qoladi.
   
3. 
   Kinestet – ma’lumotlarni qayta ishlash tizimida hissiyot ustunlik qiladi (harakat, ta’m, hid, taktil sezgi, emotsiya), amalda qo’llash orqali yaxshi qabul qiladi va eslab qoladi.
   
4. 
   Digital – ma’lumotlarni qayta ishlash tizimida mantiq va bog’liqliklar ustunlik qiladi (sabab-oqibat munosabatlari, mazmun- mohiyatni anglash, umumlashtirish), fikrlash orqali yaxshi qabul qiladi va eslab qoladi.
   

Innovatsiya – yangilik kiritish, o’zgarishlarni joriy etish jarayoni va faoliyati.
Innovator – ta’lim mazmuni va o’qitishjarayonida yangiliklarni joriy qiluvchi shaxs.
Integrativ – (yaxlitlash) axborotlarni tashkil qiluvchi cheksiz ko’p
kichik qismlarning o’zaro ajralmas bog’liqligi, ularning yaxlitligi, bir butunligi asosida yagona to’g’ri xulosani aniqlash.
Intellekt – insonning shaxsiy-individual sifati, bilish, tinimsiz izlanish faoliyati, fikrlashi, aqliy mushohadasi, tug’ma va orttirilgan qobiliyatlari to’plami.
Interfaol mashg’ulot – o’qituvchiva ta’lim oluvchi o’zaro faol ishtirok etadigan jarayon (o’zaro faol harakatda, hamkorlikda kechadi).
Interfaol metod – ta’lim jarayonida o’qituvchihamda ta’lim oluvchilar o’rtasidagi o’zaro faollikni amalga oshirish orqali o’zlashtirishni faollashtirish, shaxsiy sifatlarni rivojlantirish va samaradorlikni oshirishga yordam beradigan usul.
Iste’dod – har tomonlama rivojlangan, kuchli, noyob va takrorlanmas qobiliyatga ega bo’lgan shaxs.