O’zbekiston respublikasi sog’liqni saqlash vazirligi sh. S. Shoyimova, M. K. Xoshimova, sh. R. Mirzayeva, M. M. Qo’ziboyeva ta’lim texnologiyalari

Ishchanlik o’yinlari – turli vaziyatlarda o’yin va noto’g’ri qilingan reglament qoidalari asosida o’quvtopshiriqlarini imitatsiya qilish orqali bajarish.
Kasb - muayyan bilim va mahorat talab etadigan mehnat faoliyati turi. Kasb-hunar sirlarini egallashga umumiy hamda maxsus ma’lumot, amaliy ish-harakat usullarini o’zlashtirish orqali erishiladi.
Kasbiy bilimdonlik – muayyan faoliyat yuritish uchun zarur bo’lgan nazariy va amaliy tayyorgarlik birligi.
Kasbiy mahorat – bitiruvchining yuqori darajada kasbiy ko’nikma va malakalarni egallaganligi, shaxsning mehnat bozorida egallayotgan kasbi bo’yicharaqobatbardoshlik darajasini aks ettirishida namoyon bo’ladi. Kasbiy mahorat yangi ishlab chiqarish sharoitlariga oz vaqt ichida yuqori darajadagi moslashuvchanligi, yangiliklarni tez o’zlashtirishi, faoliyat sohasini mustaqil tanlay olish kabi kasbiy sifatlari bilan belgilanadi.
Kasbiy-pedagogik muloqot – pedagog va talabaning o’zaro ijtimoiy-psixologik aloqasi tizimi bo’lib, uning mazmuni axborotlar ayriboshlash, tarbiyaviy ta’sir o’tkazish, kommunikativ vositalar yordamida o’zaro munosabatlarini tashkil etish hisoblanadi.
Kasbiy tayyorgarlik – bo’lajak mutaxassisning psixologik,
psixofiziologik, jismoniy hamda ilmiy-nazariy va amaliytayyorgarligi. Kafolat – shaxslarga yuklatilgan vazifalarni yaratilgan vositalar, yo’llar, shart-sharoitlar asosida davlat talablariga (standartlari) mos
bajarilishini to’la ta’minlash.
Keys texnologiyasi – ta’lim oluvchilarning amaliy vaziyatlarni o’rganishi hamda tahlil qilishi orqali mustaqil qaror qabul qilishi, muammolar yechimini topishga qaratilgan, o’qituvchikuzatuvchi va yo’naltiruvchi vazifasini bajaradigan ta’lim texnologiyasi.
Kognitiv – bilishga oid, bilish jarayoni.
Komil inson – aqlan, axloqan va jismonan yetuk, mustaqil fikrlay oladigan, ma’rifatli shaxs.
Koordinator – loyihalar, dasturlarni ishlab chiqishga rahbarlik qiluvchi, ularni amalga oshirishni rejalashtiruvchi, muvofiqlashtiruvchi, tashkiliy va moliyaviy masalalarni hal etuvchi shaxs.