O’zbekiston respublikasi sog’liqni saqlash vazirligi sh. S. Shoyimova, M. K. Xoshimova, sh. R. Mirzayeva, M. M. Qo’ziboyeva ta’lim texnologiyalari

Integrativ testlar integral mazmun, shakl, qiyinchilik darajasi bo’yichao’sib boruvchi, talabaning tayyorgarlik darajasi haqida umumlashgan yakuniy xulosa chiqarishga imkon beradigan, bir-birini to’ldiruvchi fanlarga oid bilimlar asosida javob berishni talab etuvchi test topshiriqlari hisoblanadi.

Adaptiv testlar avtomatlashtirilgan, talabalarga nisbatan individual yondoshish imkonini beradigan, topshiriq mazmuni, bajarish tartibi, qoidasi, shu topshiriqni bajarish natijasida talabaning egallashi mumkin bo’lgan bali va test natijalarini umumlashtirish bo’yicha ko’rsatmalardan iborat bo’ladi. Adaptiv testlarning asosiy guruhini piramidali adaptiv testlar tashkil etadi. Qo’llanish maqsadiga ko’ra: o’rtacha og’irlikdagi, talabaning tanlashiga ko’ra aralash, topshiriqlar bankidan faqat qiyin darajali bo’lishi mumkin. Adaptiv testlar ta’lim-tarbiya jarayonini tashkil etishning modul- kredit paradigmasida muvaffaqiyatli qo’llanishi mumkin. Buning uchun pedagog bitta mavzu, bob, bo’lim, kurs mazmuni bo’yichaturli qiyinchilik darajasidagi bir necha variantli test topshiriqlarini tuzish va amalda qo’llash mahoratiga ega bo’lishi lozim.

Mezonli-mo’ljal olish testlari talabalarning umumiy tayyorgarlik darajasi, mazkur kursning o’qitilish sifati, pedagogning pedagogik mahorati, ta’lim-tarbiya jarayoni samaradorligini aniqlash,

ya’ni oldindan qo’yilgan mezonlarni aniqlashga mo’ljallab ishlab chiqilgan testlar hisoblanadi.

Test topshiriqlari sifatli ishlab chiqilishi uchun quyidagi didaktik talablarga javob berishi lozim.

1. O’quv mazmuni va maqsadlariga muvofiq bo’lishi. O’quv materialining konkret elementlarini o’zlashtirishni turli xil savollar bilan nazorat qilish mumkin. Ularning orasida ko’proq darajada ta’limning kutilgan natijasiga aloqador bo’lganini tanlash kerak.

3. 
   O’quv materialining ahamiyatliligi. Test vazifalari sonini chegaralashda ularning ichiga ushbu o’quvmavzusini o’rganishda bilimning eng muhim zarur elementlarini kiritish maqsadga muvofiqdir.
   
4.