O‘zbekiston respublikasi qishloq xo‘jalik vazirligi

Ishlab chiqarish sovutgichlari, texnologik jarayonlarida foydalanish uchun mo‘ljallangan bo‘lib quyidagi vazifalarni bajaradi: sovutish, muzlatish va xom ashyo va tashyor mahsulotlarni qisqa muddat saqlash.
Ishlab chiqarish sovutgichlari tarkibiga quyidagilar kiradi: sovutish kameralari, yo‘laklar, ekspeditsiyalar, tarozi va yuklash – tushirish maydonchalari, ‘latformalar, mashina bo‘limi, xizmat va xo‘jalik xonalari.
Ko‘pincha ishlab chiqarish sovutgichlari kuchli sovutuvchi va muzlatuvchi qurilmalar bilan ta’minlanadi. Ishlab chiqarish sovutgichlarining saqlash kameralarining hajmi katta emas, lekin sovutish qurilmasining quvvati nisbatan kuchliroq, chunki ular nafaqat kamerani balki boshqa xonalarni ham sovuq bilan ta’minlaydi.
Sig‘imi 500...5000 tonna va muzlatgichining ish quvvati 20...100 tonna/sutka bo‘lgan ishlab chiqarish sovutgichlaridan keng foydalaniladi.
Tayyorlov sovutgichlari mahsulot tayyorlovchi (meva, sabzavot, sut, go‘sht, tuxum va h.k.) hududlarda tashkil etilib, vazifasi xom ashyo va tayyor mahsulotga dastlabki termik ishlov berish va iste’molchiga jo‘natilgunicha saqlash hisoblanadi.
Taqsimlovchi sovutgichlar ishlab chiqarish va tayyorlov sovutgichlaridan kelgan mavsumiy va kundalik oziq-ovqat mahsulotlarini saqlash uchun mo‘ljallangan.
Taqsimlovchi sovutgichlar yirik sanoat markazlarida aholini yil davomida oziq-ovqat mahsulotlari bilan bir me’yorda rejali ta’minlash uchun tashkil etiladi. Ko‘pincha bunday sovutgichlar yonida mahsulotlarni muzlatish va qadoqlash, muzqaymoq ishlab chiqarish va shunga o‘xsharsexlar tashkil etiladi. Bunday holda sovutgich sovuqlik korxonasi deb nomlanadi. Taqsimlovchi sovutgichlarning sig‘imi 500...35000 tonnagacha bo‘lishi mumkin.
Savdo sovutgichlari mahsulotlarni realizatsiya qilish jarayonida uzoq bo‘lmagan muddatda saqlash uchun ishlatiladi. Oziq-ovqat bazalarida sig‘imi 100...300 tonna bo‘lgan savdo sovutgichlari quriladi, savdo va umumiy ovqatlanish komplekslarida kichik sig‘imli savdo sovutgichlari o‘rnatiladi.