O’zbekiston respublikasi qishloq xo’jaligi vazirligi

3. Tabiat boyliklariga nisbatan suverenitetlik prinsipi – bu prinsip dastlab BMT Bosh Assambleyasining 1962-yil 14-dekabrda qabul qilgan “Tabiiy resurslarga nisbatan ajralmas suverenitet” va so‘ngra Stokgolm (1972) konferentsiyasining deklaratsiyalarida o‘z ifodasini topgan. Bu prinsipga binoan har bir xalqaro huquq subyekti xalqaro munosabatlarda o‘z tabiiy boyliklaridan foydalanish va ularni muhofaza qilishni milliy qonunchilik asosida olib borish huquqiga ega. Bu prinsipga binoan har bir mustaqil davlat tabiiy boyliklarni nafaqat egallash, foydalanish, balki tasarruf qilish huquqidan to‘la foydalanish imkoniyati ochib berildi.
O‘zbekiston Respublikasi mustaqilligi – deb ta’kidlagan edi, Birinchi Prezidentimiz I.A.Karimov, o‘zining “O‘zbekiston XXI asr bo‘sag‘asida: xavfsizlikka tahdid, barqarorlik shartlari va taraqqiyot kafolatlari” nomli asarida, avvalambor. juda boy xomashyo va tabiiy boyliklaridan o‘zi bilganicha foydalanish huquqini paydo bo‘lishidadir. Bunday foydalanish Chor Rossiya, so‘ngra Sobiq Ittifoqi davridagi ekstensiv, ya’ni pala-partish va chala-yarim emas, balki mustaqillik davrida intensiv tarzda, ya’ni yuqori darajada samaradorlik bilan amalga oshirilmoqda. Milliy manfaatlar milliy qonunchilik asosida himoya qilina boshlandi va texnogen buzilgan landshaftlarni qayta tiklash talablarini keng joriy qilish imkonini berdi. Chunki har bir davlatning tabiiy resurslarga bo‘lgan suverenitetligi, uning xalqi va fuqarolarining yashash huquqini ta’minlash, hozirgi va kelajak avlodlar oldidagi buyuk mas’uliyat milliy ekologik xavfsizlikni ta’minlash hissini tatbiq qilish imkonini berdi.
4. Inson ekologik huquqining afzalligi – unga ko‘ra insonning yashashi uchun qulay ekologik sharoit bo‘lishini ta’minlash, har qanday jarayonda insonni ekologik yashash omili birinchi o‘rinda turishi lozim. Chunki Yer yuzidagi barcha insonlar, ularning irqiy, milliy, diniy, ijtimoiy kelib chiqishidan qat’i nazar, yashash huquqiga egadirlar. Yashash huquqi esa inson huquqlarining birlamchi omilidir. BMT Nizomining 3-xatboshi 1-moddasiga binoan xalqaro hamkorlikni davlatlar “inson huquqlari va erkinliklarini hurmat qilishlari va ularni rag‘barlantirishni rivojlantirishlari” asosida olib borishlari kerak.