O’zbekiston respublikasi qishloq xo’jaligi vazirligi andijon qishloq xo‘jaligi va agrotexnologiyalar inistituti

            Jelatin va ferment preparatlari bilan sharbatlarni tindirish - kombinatsion 
usuli. 
Bu  usulda  sharbatga  ferment  preparati  qoʻshiladi.  U  kolloid  sistemani  qisman 
buzadi, keyin polifenol va pektin moddalari bilan kompleks birikmalarni hosil qiladigan 
jelatin qoʻshiladi. 
            Olma  sharbatini  bu  usulda  20°C  haroratda  tindirish  mumkin.  Sharbatga  oldin 
avamorin, 1 soatdan keyin jelatin qoʻshiladi. Ferment preparatning miqdori sharbatdagi 
kolloid miqdoriga qarab aniqlanadi. 
            Loy  bilan  yoritish. 
Meva  sharbatlarni  yoritish  uchun  bentonit  va  subbentonit 
loylari  ishlatiladi.  Ularning  asosiy  qismi  montmorillonit  mineralidan  iborat  (nSa 
MgOAl
2
 O
3
 5 Si O
2
 x 10 H
2
O). Bundan tashqari, bentonit tarkibiga gallozit, biotit, dala 
shpatlari  va  juda  kam  miqdorda  kvarts,  granit  rudalari  kiradi.  Loylarning  yoritish 
xossalarini quyidagicha tushuntirish mumkin: 
             1.Sharbat  kolloidlarning  zaryadlari  neytrllanadi.  Suv  suspenziyalarida  bentonit 
gidrofil kolloid eritmani hosil qiladi, uning zarrachalari manfiy zaryadlanganligi sababli 
eritma zaryadlari oʻzgaradi. 
             2.Nordon muhitda suspenziya zarrachalari kattalashadi va choʻkmaga tushadi. 
             3.Loy ion almashinish xossalariga ega. 
             4.Loy yuqori adsorbtsion xossalarga ega. 
             Sharbatni  yoritish  uchun  0,1-0,2%  dan  2%  gacha  bentonit  qoʻshiladi, 
aralashtiriladi,  bir  necha  soatdan  bir  necha  sutkagacha  qoldiriladi  va  filtrlanadi.  Uzum 
sharbati uchun loy bilan yoritish va filtrlash jarayonlari birga oʻtkaziladi. 
             Tajribani  bajarish.  Sharbatni  tanin  va  jelatin  bilan  tindirish. 
Tindirilgan 
sharbatning sifati qoʻshilgan tanin va jelatin miqdoriga bogʻliq. Ularning miqdori kam 
boʻlganda  sharbatlar  tindirilmaydi,  miqdori  ortganda  esa  sharbatning  qorayishi 
kuzatiladi.  Sharbatlarni  tindirishdan  oldin  tanin  va  jelatinning  kerakli  miqdori 
quyidagicha aniqlanadi: 
           Shtativga 30 probirka 3 qatorda (har qatorga 10 tadan) joylashtiriladi. Ularga 10 
ml dan sharbat quyiladi. 
           Sharbatni  yoritishdan  oldin  tanin  va  jelatin  1  %  eritmalari  tayyorlanadi.  Jelatin 
eritmasini  tayyorlash  uchun  suv  50…70°C  gacha  isitiladi,  tanin  esa  sovuq  suvda 
eritiladi. 
            1-,  2-  va  3-chi  qatordagi  probirkalarga  1%  jelatin  eritmasi  quyib  chiqiladi:  1-
probirkaga 0,1 ml, 2-chisiga 0,2 ml, 3-chisiga 0,3 ml va h.k. 10-probirkaga 1 ml eritma 
quyiladi va aralashtiriladi. 
            Ikkinchi  qatordagi  hamma  probirkalarga  1%  tanin  eritmasi  0,1  ml  dan,  3-
qatordagi probirkalarga 0,2 ml dan quyiladi va aralashtiriladi. 
            Probirkalar  qalam  bilan  nomerlanadi  va  15  minutga  qoldiriladi.  15  minutdan 
keyin  tindirish  effekti  tekshiriladi.  Sharbati  tez  va  yaxshi  tindirilgan  probirkaning 

---

129 
 
nomeri  aniqlanadi.  Yaxshi  tindirilgan  sharbatga  qoʻshilgan  tanin  va  jelatin  miqdorlari 
minimal me’yor sifatida qabul qilinadi. Uning asosida sharbatni tindirish uchun tanin va 
jelatinning kerakli miqdorlari hisoblanadi.