O’zbekiston respublikasi qishloq xo’jaligi vazirligi andijon qishloq xo‘jaligi va agrotexnologiyalar inistituti

Asosiy tushuncha.
 Mahsulotlarni realizasiyaga tayyorlashda ular dastlab saralab 
olinadi.  Bunday  tayyorlov  boʻlimi  maxsus  ish  stollari  va  kerakli  asbob-uskunalar  bilan 

---

121 
 
jihozlanadi. Mahsulotlar saralanadigan ish stollari baquvvat, balandligi 0,7-1 m, eni 1,5 m 
boʻlishi  lozim.  Stollarning  uzunligi  ishlochilar  soniga  muvofiq  tanlanadi.  hozirgi  kunda 
saralash  ishlari  uchun  ishlab  chiqarilayotgan  universal  stollar  juda  qulaydir.  Uning 
balandligi 70 sm, eni 60 sm va uzunligi 2 m boʻlib, 4 kishi uchun moʻljallangan. Uning 
ramasida  suriluvchi  doskalar  mavjud.  Ramada  uzum  uchun  toʻr  tortilgan,  limonni 
kalibrlash  uchun  teshikchali  uyacha,  urugʻ  mevalilar  uchun  bortchasi  mavjud. 
Doskasining ikki tomonida tushuvchi choʻntakchalar mavjud boʻlib, undan brak qilingan 
mevalar yashikka dumalab tushadi. 
Mahsulotlarni  realizasiyaga  tayyorlashda  ularni  tashqi  muhit  havosiga 
moslashtirish  birinchi  galda  bajariladigan  tadbirlardan  hisoblanadi.  Buning  uchun 
mahsulotlar  realizasiyaga  chiqarilishidan  oldin  omborning  tayyorlov  seksiyasiga  olib 
oʻtiladi.  Bu  erda  ombor  havosining  harorati  2-3  kun  davomida  asta-sekinlik  bilan 
koʻtarilib  boriladi  va  tashqi  muhit  havosiga  yaqin  darajaga  olib  kelinadi.  Omborlarda 
bunday  seksiyalar  mavjud  boʻlmaganda,  mahsulotlarni  omborning  chiqish  yoʻlaklariga 
joylashtirib qoʻyish ham mumkin. 
Mahsulotlar  tashqi  muhit  havosiga  moslashtirilgach,  ularni  qadoqlash  boʻlimiga 
olib  kelinadi  va  bu  erda  ular  oldindan  tayyorlab  qoʻyilgan  qadoqlarga  qadoqlanadi. 
hozirgi kunda meva va sabzavotlarni hajmi 2-3 kg gacha boʻlgan kichik zamonaviy toʻr, 
qogʻoz, yoki poliyetilen  paketchalarga qadoqlash juda keng tatbiq etilmoqda. Bu usulda 
qadoqlash    maxsus  qadoqlovchi  uskunalarda  amalga  oshiriladi.  Bunday  qadoqlarda 
mahsulotlarni  tashish,  savdo  rastalariga  joylashitirsh  qulay  boʻlishi  bilan  bir  qatorda, 
ularnining tovar koʻrinishi va xaridorgirligi ham ortadi (1-rasm).